Shqipëria merr statusin e vendit kandidat për në Bashkimin Evropian.
Vendimi është miratuar unanimisht nga 28 ministrat e jashtëm të BE në samitin e mbajtur në Luksemburg.
Komisioneri për zgjerim, Stefan Fyle deklaroi se Shqipërisë i janë njohur përpjekjet për reforma, ndërsa nxitet të vijojë në këtë rrugë.
“Urime për statusin kandidat miratuar nga ministrat. Urime Shqipërisë për statusin kandidat. Njohje e përpjekjeve për reforma, nxitje për më shumë. Ministrat e Jashtëm sapo ranë dakord për statusin”, është shprehur komisioneri Fyle.
I pari ka reaguar kryeministri i Shqipërisë, Edi Rama, i cili ka falënderuar të gjithë për vendimin e marrë sot.
“Jam krenar që ia dolëm të gjithë bashkë, faleminderit mirënjohje”, shkruan kryeministri Rama në rrjetet sociale.
