- Partia Demokratike e Kosovës është fituese e zgjedhjeve të parakohshme parlamentare të mbajtura më 8 qershor. Ndonëse në një konkurrencë më të ashpër me partitë opozitare, duket se mungesa e një fronti opozitar dhe garimi i opozitës si parti veç e veç e ka ndihmuar PDK-në e Hashim Thaçit që sërish t'i fitojë zgjedhjet parlamentare, duke marrë kështu edhe rastin për formimin e qeverisë së ardhshme të Kosovës.
- Para se KQZ të publikonte rezultatet preliminare, PDK ka shpallur fitoren e saj.
- Diku nga mesnata Partia Demokratike e Kosovës ka mbajtur tubimin e parë kremtues me simpatizantët e saj në Prishtinë. Aty lideri i PDK-së, Hashim Thaçi ka ri-theksuar se partia e tij i ka fituar zgjedhjet parlamentare të 8 qershorit. Ai ka lavdëruar procesin dhe ka shprehur besimin se këto zgjedhje do të vlerësohen me notë të lartë edhe nga bashkësia ndërkombëtare.
Komisioni Qendror i Zgjedhjeve vlerëson procesin zgjedhor të 8 qershorit dhe falënderon të gjithë qytetarët e Republikës së Kosovës për kontributin e tyre.
Një njoftimin e tyre, KQZ informon të gjithë qytetarët se aktualisht është duke vazhduar procesi i numërimit të fletëvotimeve dhe se ky process është duke vazhduar sipas procedurave të parapara.
"Qendra e Numërimit dhe Rezultateve është përgatitur për të pritur materialin zgjedhor nga të gjithë komunat e Republikës së Kosovës dhe se janë ndërmarrë të gjitha masat", thuhet në njoftimin e KQZ-së.
KQZ
00:539.6.2014
Zgjedhjet e së dielës kanë kaluar qetë, me disa parregullsi të vogla, të cilat janë vlerësuar se nuk e kanë dëmtuar procesin.
Dalja ka qenë diku rreth 43 për qind, kurse një përqindje më e ulët është vërejtur në veri të Kosovës të banuar me komunitetin serb si shumicë.
01:159.6.2014
Me këtë njoftim po e përmbyllim këtë edicion.
Në këtë link mund të vazhdoni t’i ndiqni rezultatet e zgjedhjeve parlamentare të 8 qershorit.
Ju lëmë takim në edicionin e radhës.
Ju falënderojmë që na ndoqët,
Ekipi i Radios Evropa e Lirë
09:059.6.2014
Mirëmëngjes lexues të nderuar.
Edicionin e sotëm po e fillojmë me të dhënat e fundit nga nga votat e numëruara në 94.27% vendvotime nga Komisioni Qendror Zgjedhor.
