- Partia Demokratike e Kosovës është fituese e zgjedhjeve të parakohshme parlamentare të mbajtura më 8 qershor. Ndonëse në një konkurrencë më të ashpër me partitë opozitare, duket se mungesa e një fronti opozitar dhe garimi i opozitës si parti veç e veç e ka ndihmuar PDK-në e Hashim Thaçit që sërish t'i fitojë zgjedhjet parlamentare, duke marrë kështu edhe rastin për formimin e qeverisë së ardhshme të Kosovës.
- Para se KQZ të publikonte rezultatet preliminare, PDK ka shpallur fitoren e saj.
- Diku nga mesnata Partia Demokratike e Kosovës ka mbajtur tubimin e parë kremtues me simpatizantët e saj në Prishtinë. Aty lideri i PDK-së, Hashim Thaçi ka ri-theksuar se partia e tij i ka fituar zgjedhjet parlamentare të 8 qershorit. Ai ka lavdëruar procesin dhe ka shprehur besimin se këto zgjedhje do të vlerësohen me notë të lartë edhe nga bashkësia ndërkombëtare.
Subjekti politik "Nisma për Kosovën", e udhëhequr nga Fatmir Limaj, ka mbajtur një takim me gazetarët në orët e para të mbrëmjes, duke u bërë thirrje autoriteteve kompetente, që ta ruajnë votën e qytetarëve të Kosovës gjatë procesit të numërimit.
20:568.6.2014
Anëtari i Komisionit Qendror të Zgjedhjeve, Bajram Latifi, i ka thënë Radios Evropa e Lirë se në Mitrovicën e veriut kanë votuar 15 mijë e 34 votues, në Leposaviq kanë votuar 5 mijë e 207 votues, në Zveçan kanë votuar 2 mijë 244 votues dhe në Zubin Potok kanë votuar 2 mijë 887 votues. Do të thotë, nga numri i përgjithshëm prej 62 mijë e 737 votuesve në komunat e veriut të Kosovës kanë votuar 24.5 për qind.
