- Partia Demokratike e Kosovës është fituese e zgjedhjeve të parakohshme parlamentare të mbajtura më 8 qershor. Ndonëse në një konkurrencë më të ashpër me partitë opozitare, duket se mungesa e një fronti opozitar dhe garimi i opozitës si parti veç e veç e ka ndihmuar PDK-në e Hashim Thaçit që sërish t'i fitojë zgjedhjet parlamentare, duke marrë kështu edhe rastin për formimin e qeverisë së ardhshme të Kosovës.
- Para se KQZ të publikonte rezultatet preliminare, PDK ka shpallur fitoren e saj.
- Diku nga mesnata Partia Demokratike e Kosovës ka mbajtur tubimin e parë kremtues me simpatizantët e saj në Prishtinë. Aty lideri i PDK-së, Hashim Thaçi ka ri-theksuar se partia e tij i ka fituar zgjedhjet parlamentare të 8 qershorit. Ai ka lavdëruar procesin dhe ka shprehur besimin se këto zgjedhje do të vlerësohen me notë të lartë edhe nga bashkësia ndërkombëtare.
Zgjedhjet e së dielës kanë kaluar qetë, me disa parregullsi të vogla, të cilat janë vlerësuar se nuk e kanë dëmtuar procesin.
Dalja ka qenë diku rreth 43 për qind, kurse një përqindje më e ulët është vërejtur në veri të Kosovës të banuar me komunitetin serb si shumicë.
00:379.6.2014
Komisioni Qendror i Zgjedhjeve vlerëson procesin zgjedhor të 8 qershorit dhe falënderon të gjithë qytetarët e Republikës së Kosovës për kontributin e tyre.
Një njoftimin e tyre, KQZ informon të gjithë qytetarët se aktualisht është duke vazhduar procesi i numërimit të fletëvotimeve dhe se ky process është duke vazhduar sipas procedurave të parapara.
"Qendra e Numërimit dhe Rezultateve është përgatitur për të pritur materialin zgjedhor nga të gjithë komunat e Republikës së Kosovës dhe se janë ndërmarrë të gjitha masat", thuhet në njoftimin e KQZ-së.
KQZ
23:588.6.2014
Thaçi: Fillojmë misionin e ri
Partia Demokratike e Kosovës ka mbajtur tubimin e parë kremtues me simpatizantët e saj në Prishtinë, ku lideri i PDK-së, Hashim Thaçi ka ri-theksuar se partia e tij i ka fituar zgjedhjet parlamentare të 8 qershorit.
Ai ka lavdëruar procesin dhe ka shprehur besimin se këto zgjedhje do të vlerësohen me notë të lartë edhe nga bashkësia ndërkombëtare.
Me këtë fitore, PDK dhe Kosova fillojnë "Misionin e Ri" ka thënë Thaçi para të pranishmëve të tubuar.
23:178.6.2014
Vetëvendosje: Dyfishuam votën
Lëvizja Vetëvendosje ka vlerësuar pjesërisht të suksesshëm rezultatin në zgjedhjet e 8 qershorit. në një konferencë për media, Dardan Molliqaj nga ky subjekt politik ka thënë se shikuar në tërësi, Vetëvendosje ka dyfishuar votën dhe pret që të sigurojë diku rreth 16 ulëse në Kuvend.
Sa i përket fitores së PDK-së, Molliqaj ka thënë se kjo vjen si rrjedhojë e mungesës së vizionit të partisë më të madhe opozitare LDK-së.
Gjithashtu, Molliqaj ka thënë se PDK nuk do të arrijë të përmbyllë mandatin e saj katër vjeçar për të qeverisur vendin.
