Dy persona kanë humbur jetën dhe rreth 14 të tjerë janë plagosur nga shpërthim që ka ndodhur të premten brenda objektit të Termocentralit “Kosova A”.
Arsim Gërxhaliu, drejtor i Insitutit të Mjekësisë Ligjore ka konfirmuar për Radion Evropa e Lirë se personi i tretë i kërkuar në vendin ku ka ndodhur shpërthimi të Termocentrali Kosova A, është gjetur i vdekur.
“Sapo kemi gjetur edhe një tjetër person të vdekur”, ka thënë shkurt Gërxhaliu.
Shpërthim që ka ndodhur të premten në Repartin e Elektrolizës në Termocentralin Kosova A, ka shkaktuar dëme të konsiderueshme në termocentral dhe në vendbanimin afër termocentralit.
Në orët e para pas shpërthimit, njoftimet zyrtare flisnin për tre persona të vdekur.
Pjesëtarë të Kërkim-Shpëtimit të Forcës së Sigurisë së Kosovës kanë arritur që në orët e pasdites të nxjerrin dy persona të pajetë nga vendi i fatkeqësisë.
Në një komunikatë për opinion, FSK-ja ka bërë të ditur se njëkohësisht "Kompania e Mbrojtjes Kimike Atomike dhe Biologjike (MKAB), është duke vazhduar të vlerësojë situatën e rrezikut".
FSK-ja ka njoftuar se "Kompania e Mbrojtjes Kimike Atomike dhe Biologjike, e Regjimentit të Mbrojtjes Civile (RMC) të FSK-së ka bërë vlerësimin profesional të situatës në zonën e shpërthimit, dhe ka vlerësuar se nuk ka rrjedhje të mëtutjeshme dhe se nuk ka rrezik për ndonjë shpërthim tjetër eventual".
Ndërkohë, në Qendrën Klinike Universitare të Prishtinës, nga KEK-u janë sjellë 14 persona të plagosur.
Drejtuesit e Qendrës Emergjente kanë thënë se të gjithë të plagosurit janë lëshuar në shtëpi, pas ofrimit të trajtimit mjekësor.
Kurse, sa i takon personit të mbijetuar, i gjetur nën rrënoja, drejtori i Qendrës spitalore Emergjente, Basri Lenjani, ka thënë se ai është duke u trajtuar në spital.
“Për rastin në fjalë, është në gjendje të rënd shëndetësore. Personi është ende në diagnostikim mjekësor. I lënduari është gjetur nën gërmadha dhe bëhet fjalë për lëndime të organeve të brendshme”, ka bërë të ditur Lenjani.
Ministri i Zhvillimit Ekonomik, Fadil Ismaili, ka thënë për Radion Evropa e Lirë, se eksplodimi ka ndodhur jashtë objektit të gjeneratorëve dhe të tre gjeneratorët janë të ndalur aktualisht.
Nga ana tjetër, një i ri, i cili ka qenë duke punuar afër objektit të Termocentralit Kosova A, ka treguar për momentet kur ndodhi shpërthimi.
“Copa të hekurit kanë qenë, ka pasur 1 metër me një metër, edhe copa më të vogla. Unë kam qenë duke e larë veturën dhe mjetet më kanë rënë nga dora nga dridhja e madhe”, ka treguar Ahmet Klinaku, banor nga komuna e Obiliqit.
Ndryshe, Termocentrali Kosova A është planifikuar të mbyllet në vitin 2017, në përpjekje për të ripërtërirë sistemin e vjetruar energjetik.
Për shkak të kësaj ngjarjeje, partitë politike në Kosovë kanë pezulluar ditën e fundit të fushatës për zgjedhjet e parakohshme parlamentare, të cilat do të mbahen të dielën, më 8 qershor.
Arsim Gërxhaliu, drejtor i Insitutit të Mjekësisë Ligjore ka konfirmuar për Radion Evropa e Lirë se personi i tretë i kërkuar në vendin ku ka ndodhur shpërthimi të Termocentrali Kosova A, është gjetur i vdekur.
“Sapo kemi gjetur edhe një tjetër person të vdekur”, ka thënë shkurt Gërxhaliu.
Shpërthim që ka ndodhur të premten në Repartin e Elektrolizës në Termocentralin Kosova A, ka shkaktuar dëme të konsiderueshme në termocentral dhe në vendbanimin afër termocentralit.
Në orët e para pas shpërthimit, njoftimet zyrtare flisnin për tre persona të vdekur.
Pjesëtarë të Kërkim-Shpëtimit të Forcës së Sigurisë së Kosovës kanë arritur që në orët e pasdites të nxjerrin dy persona të pajetë nga vendi i fatkeqësisë.
Në një komunikatë për opinion, FSK-ja ka bërë të ditur se njëkohësisht "Kompania e Mbrojtjes Kimike Atomike dhe Biologjike (MKAB), është duke vazhduar të vlerësojë situatën e rrezikut".
FSK-ja ka njoftuar se "Kompania e Mbrojtjes Kimike Atomike dhe Biologjike, e Regjimentit të Mbrojtjes Civile (RMC) të FSK-së ka bërë vlerësimin profesional të situatës në zonën e shpërthimit, dhe ka vlerësuar se nuk ka rrjedhje të mëtutjeshme dhe se nuk ka rrezik për ndonjë shpërthim tjetër eventual".
Ndërkohë, në Qendrën Klinike Universitare të Prishtinës, nga KEK-u janë sjellë 14 persona të plagosur.
Drejtuesit e Qendrës Emergjente kanë thënë se të gjithë të plagosurit janë lëshuar në shtëpi, pas ofrimit të trajtimit mjekësor.
Kurse, sa i takon personit të mbijetuar, i gjetur nën rrënoja, drejtori i Qendrës spitalore Emergjente, Basri Lenjani, ka thënë se ai është duke u trajtuar në spital.
“Për rastin në fjalë, është në gjendje të rënd shëndetësore. Personi është ende në diagnostikim mjekësor. I lënduari është gjetur nën gërmadha dhe bëhet fjalë për lëndime të organeve të brendshme”, ka bërë të ditur Lenjani.
Ministri i Zhvillimit Ekonomik, Fadil Ismaili, ka thënë për Radion Evropa e Lirë, se eksplodimi ka ndodhur jashtë objektit të gjeneratorëve dhe të tre gjeneratorët janë të ndalur aktualisht.
Nga ana tjetër, një i ri, i cili ka qenë duke punuar afër objektit të Termocentralit Kosova A, ka treguar për momentet kur ndodhi shpërthimi.
“Copa të hekurit kanë qenë, ka pasur 1 metër me një metër, edhe copa më të vogla. Unë kam qenë duke e larë veturën dhe mjetet më kanë rënë nga dora nga dridhja e madhe”, ka treguar Ahmet Klinaku, banor nga komuna e Obiliqit.
Ndryshe, Termocentrali Kosova A është planifikuar të mbyllet në vitin 2017, në përpjekje për të ripërtërirë sistemin e vjetruar energjetik.
Për shkak të kësaj ngjarjeje, partitë politike në Kosovë kanë pezulluar ditën e fundit të fushatës për zgjedhjet e parakohshme parlamentare, të cilat do të mbahen të dielën, më 8 qershor.
