Numri i aplikacioneve të vlefshme të votuesve serbë jashtë Kosovës nuk pritet të ndryshojë shumë nga ai preliminar, i cili nga zyrtarët e Sekretariatit të Komisionit Qendror të Zgjedhjeve është thënë të jetë rreth 6 mijë e 600.
Kështu ka deklaruar Florian Dushi, anëtar i Komisionit Qendror të Zgjedhjeve, i cili duke folur për Radion Evropa e Lirë ka theksuar se pas vlerësimeve të aplikacioneve edhe nga Mali i Zi dhe diaspora, pritet që përfundimisht të dihet numri i votuesve jashtë Kosovës.
“Sipas një raporti preliminar që ne e kemi pranuar nga zyrtarët tonë të sekretariatit, është se nga 39 mijë e 46 aplikacione që kanë ardhur nga Serbia, aplikacione të aprovuara, deri në këtë fazë, janë 6 mijë e 593. Unë mendoj se kjo shifër, sa i përket aplikacioneve nga Serbia, nuk do të ndryshojë, ndërkohë që ne presim edhe rezultatin e aplikacioneve tjera, që vijnë nga Mali i Zi dhe nga pjesa e Evropës, ku janë paraqitur, përmes këtij operacioni, qytetarët tanë shqiptarë që jetojnë në Evropë”, u shpreh Dushi.
Nisur nga këto shifra, rreth 32 mijë aplikacione, të cilat Organizata për Siguri dhe Bashkëpunim Evropian ia ka dorëzuar Komisionit Qendror të Zgjedhjeve, janë jo të vlefshme.
Zëdhënësi i misionit të OSBE-së në Kosovë, Nikola Gaon i ka thënë Radios Evropa e Lirë se ky mision e ka pasur vetëm rolin lehtësues në procesin e mbledhjes së aplikacioneve në Serbi dhe Mal të Zi, ndërkohë që sipas tij, për vlefshmërinë e tyre vendos Komisioni Qendror i Zgjedhjeve.
“KQZ është kompetent që t'i publikojë shifrat, sepse ai e udhëheqë procesin e verifikimit të gjithë kërkesave për regjistrim dhe ata janë ata që vendosin se kush ka të drejtë të votojë ose jo, sipas dokumentacionit që është dorëzuar. Do të thotë, KQZ i ka kriteret në bazë të së cilave e bën kontrollimin e kërkesave".
"Ata që nuk janë të kënaqur me vendimin e Komisionit Qendror të Zgjedhjeve mund ta ndjekin procedurën ekzistuese apo procesin e ankesave, i cili është i sqaruar në rregulloren e zgjedhjeve”, theksoi Gaon.
Sqarime të ngjashme ka dhënë edhe zoti Dushi, i cili ka theksuar se për 32 mijë aplikacione nga Serbia, të cilat nuk janë vlerësuar si të vlefshme, do të jepet përgjigja dhe arsyetimi për refuzimin e tyre.
“Pjesa tjetër do ta marrë përgjigjen dhe bashkë me përgjigjen do ta kenë edhe shkakun se pse aplikacionet janë refuzuar. Arsyet janë prej më të ndryshmeve. Ka nga mungesa e dokumentacionit e deri te nënshkrimet e shumë aplikacioneve nga i njëjti person".
"Pra, janë disa kategori të këtyre aplikacioneve që janë refuzuar. Por, mendoj se Sekretariati jonë e ka bërë një vlerësim krejtësisht real të këtyre aplikacioneve dhe në mënyrë absolute, nuk është vërejtur asnjë lloj tendence gjatë punës që ata e kanë kryer”, tha Dushi.
Sidoqoftë, Dushi konsideron se OSBE-ja e ka kryer mjaft mirë punën e saj në rolin lehtësues të procesit për grumbullimin e aplikacioneve të votuesve potencial që jetojnë jashtë Kosovës, për votimin përmes postës.
Ndërkaq, zyrtarët e OSBE-së kanë theksuar se votimi jashtë Kosovës do të kryhet në përputhje me Ligjin për zgjedhjet e përgjithshme të Kosovës.
Kështu ka deklaruar Florian Dushi, anëtar i Komisionit Qendror të Zgjedhjeve, i cili duke folur për Radion Evropa e Lirë ka theksuar se pas vlerësimeve të aplikacioneve edhe nga Mali i Zi dhe diaspora, pritet që përfundimisht të dihet numri i votuesve jashtë Kosovës.
“Sipas një raporti preliminar që ne e kemi pranuar nga zyrtarët tonë të sekretariatit, është se nga 39 mijë e 46 aplikacione që kanë ardhur nga Serbia, aplikacione të aprovuara, deri në këtë fazë, janë 6 mijë e 593. Unë mendoj se kjo shifër, sa i përket aplikacioneve nga Serbia, nuk do të ndryshojë, ndërkohë që ne presim edhe rezultatin e aplikacioneve tjera, që vijnë nga Mali i Zi dhe nga pjesa e Evropës, ku janë paraqitur, përmes këtij operacioni, qytetarët tanë shqiptarë që jetojnë në Evropë”, u shpreh Dushi.
Nisur nga këto shifra, rreth 32 mijë aplikacione, të cilat Organizata për Siguri dhe Bashkëpunim Evropian ia ka dorëzuar Komisionit Qendror të Zgjedhjeve, janë jo të vlefshme.
Zëdhënësi i misionit të OSBE-së në Kosovë, Nikola Gaon i ka thënë Radios Evropa e Lirë se ky mision e ka pasur vetëm rolin lehtësues në procesin e mbledhjes së aplikacioneve në Serbi dhe Mal të Zi, ndërkohë që sipas tij, për vlefshmërinë e tyre vendos Komisioni Qendror i Zgjedhjeve.
“KQZ është kompetent që t'i publikojë shifrat, sepse ai e udhëheqë procesin e verifikimit të gjithë kërkesave për regjistrim dhe ata janë ata që vendosin se kush ka të drejtë të votojë ose jo, sipas dokumentacionit që është dorëzuar. Do të thotë, KQZ i ka kriteret në bazë të së cilave e bën kontrollimin e kërkesave".
"Ata që nuk janë të kënaqur me vendimin e Komisionit Qendror të Zgjedhjeve mund ta ndjekin procedurën ekzistuese apo procesin e ankesave, i cili është i sqaruar në rregulloren e zgjedhjeve”, theksoi Gaon.
Sqarime të ngjashme ka dhënë edhe zoti Dushi, i cili ka theksuar se për 32 mijë aplikacione nga Serbia, të cilat nuk janë vlerësuar si të vlefshme, do të jepet përgjigja dhe arsyetimi për refuzimin e tyre.
“Pjesa tjetër do ta marrë përgjigjen dhe bashkë me përgjigjen do ta kenë edhe shkakun se pse aplikacionet janë refuzuar. Arsyet janë prej më të ndryshmeve. Ka nga mungesa e dokumentacionit e deri te nënshkrimet e shumë aplikacioneve nga i njëjti person".
"Pra, janë disa kategori të këtyre aplikacioneve që janë refuzuar. Por, mendoj se Sekretariati jonë e ka bërë një vlerësim krejtësisht real të këtyre aplikacioneve dhe në mënyrë absolute, nuk është vërejtur asnjë lloj tendence gjatë punës që ata e kanë kryer”, tha Dushi.
Sidoqoftë, Dushi konsideron se OSBE-ja e ka kryer mjaft mirë punën e saj në rolin lehtësues të procesit për grumbullimin e aplikacioneve të votuesve potencial që jetojnë jashtë Kosovës, për votimin përmes postës.
Ndërkaq, zyrtarët e OSBE-së kanë theksuar se votimi jashtë Kosovës do të kryhet në përputhje me Ligjin për zgjedhjet e përgjithshme të Kosovës.
