Ministria serbe e Drejtësisë, tha se të martën në mesnatë ka skaduar afati për largimin e pllakës përkujtimore kushtuar pjesëtarëve të rënë të ish Ushtrisë Çlirimtare të Preshevës, Medvegjës e Bujanocit.
Në një komunikatë të kësaj ministrie thuhet se pas skadimit të këtij afati, inspektorati i saj do të nisë procedurë kundërvajtëse ndaj shefit të administratës komunale të Preshevës. Po ashtu do të përcaktohen edhe procedurat dhe afatet për largimin e pllakës përkujtimore.
"Me skadimin e afati ligjor, do të ndërmerren veprimet për largimin e pllakës së vendosur në mënyrë të paligjshme me ndihmën e organeve të punëve të brendshme nëse është e nevojshme”, thuhet në komunikatë.
Ndërkohë, aktualisht, përfaqësuesit e shqiptarëve të Luginës së Preshevës, janë duke zhvilluar një takim në Preshevë për të diskutuar zhvillimet e fundit politike në atë vend, por edhe për çështjen e përmendores.
Kryetari i Komunës së Preshevës, Ragmi Mustafa tha shkurtimisht për Radion Evropa e Lirë së situata aktualisht është e qetë dhe nuk ka ndonjë zhvillim sa i takon çështjes së lapidarit.
“Deri në këto momente nuk ka ndonjë lëvizje përveç një urdhri që ka nga Ministria e Drejtësisë dhe Administratës shtetërore për largimin e përmendores në afat prej 5 ditësh, prej ditës së inspektimit".
"Dita e inspektimit të inspektorëve ka qenë 10 janari. Parimisht sot skadon afati i urdhëresës që i është dhënë kryeshefit të administratës komunale për largim. Megjithatë, aty ka edhe 8 ditë afat ankese, të shohim se si do të procedojmë jemi në bisedë e sipër”, tha Mustafa.
Kryetari i Komunës së Preshevës ka thënë po ashtu se situata e sigurisë është e qetë dhe nuk ka rritje të forcave të sigurisë.
Ndryshe, studentët e Universitetit të Prishtinës kanë njoftuar se sot do të organizojnë "një marshim studentor për Kosovën Lindore".
Në një komunikatë të kësaj ministrie thuhet se pas skadimit të këtij afati, inspektorati i saj do të nisë procedurë kundërvajtëse ndaj shefit të administratës komunale të Preshevës. Po ashtu do të përcaktohen edhe procedurat dhe afatet për largimin e pllakës përkujtimore.
"Me skadimin e afati ligjor, do të ndërmerren veprimet për largimin e pllakës së vendosur në mënyrë të paligjshme me ndihmën e organeve të punëve të brendshme nëse është e nevojshme”, thuhet në komunikatë.
Ndërkohë, aktualisht, përfaqësuesit e shqiptarëve të Luginës së Preshevës, janë duke zhvilluar një takim në Preshevë për të diskutuar zhvillimet e fundit politike në atë vend, por edhe për çështjen e përmendores.
Kryetari i Komunës së Preshevës, Ragmi Mustafa tha shkurtimisht për Radion Evropa e Lirë së situata aktualisht është e qetë dhe nuk ka ndonjë zhvillim sa i takon çështjes së lapidarit.
“Deri në këto momente nuk ka ndonjë lëvizje përveç një urdhri që ka nga Ministria e Drejtësisë dhe Administratës shtetërore për largimin e përmendores në afat prej 5 ditësh, prej ditës së inspektimit".
"Dita e inspektimit të inspektorëve ka qenë 10 janari. Parimisht sot skadon afati i urdhëresës që i është dhënë kryeshefit të administratës komunale për largim. Megjithatë, aty ka edhe 8 ditë afat ankese, të shohim se si do të procedojmë jemi në bisedë e sipër”, tha Mustafa.
Kryetari i Komunës së Preshevës ka thënë po ashtu se situata e sigurisë është e qetë dhe nuk ka rritje të forcave të sigurisë.
Ndryshe, studentët e Universitetit të Prishtinës kanë njoftuar se sot do të organizojnë "një marshim studentor për Kosovën Lindore".
