Bashkimi Evropian i ka cilësuar si “dhunë për keqardhje” ngjarjet e së shtunës në Kosovë, kur Lëvizja Vetëvendosje ka bërë përpjekje të bllokojë hyrjen e mallrave serbe në vendkalimet kufitare: Merdarë dhe Dheu i Bardhë.
“Është për keqardhje dhuna që ka ndodhur, por besojmë se, përgjithësisht, situata është adresuar mirë nga Policia e Kosovës. Protestat e këtilla i shohim si tërësisht të paarsyeshme, sepse ishin kundër asaj që është parim thelbësor i BE-së, pra lirisë së lëvizjes së mallrave. Ne kemi punuar ngushtë me autoritetet e Kosovës për ta zbatuar këtë parim dhe është për keqardhje që njerëzit protestojnë kundër tij”, ka thënë Majkëll Men, zëdhënës i shefes për politikë të jashtme të BE-së, Kethrin Eshton.
Të shtunën, Lëvizja Vetëvendosje ka organizuar një aksion në pikat kufitare: Merdarë dhe Dheu i Bardhë, me qëllim ndalimin e hyrjes së mallrave serbe në Kosovë.
Policia e Kosovës ka penguar protestuesit me përdorimin e gazit lotsjellës dhe të topave të ujit.
"Vetëvendosje" ka paralajmëruar se do të organizojë aksion të ngjashëm më 22 janar.(v.t.)
“Është për keqardhje dhuna që ka ndodhur, por besojmë se, përgjithësisht, situata është adresuar mirë nga Policia e Kosovës. Protestat e këtilla i shohim si tërësisht të paarsyeshme, sepse ishin kundër asaj që është parim thelbësor i BE-së, pra lirisë së lëvizjes së mallrave. Ne kemi punuar ngushtë me autoritetet e Kosovës për ta zbatuar këtë parim dhe është për keqardhje që njerëzit protestojnë kundër tij”, ka thënë Majkëll Men, zëdhënës i shefes për politikë të jashtme të BE-së, Kethrin Eshton.
Të shtunën, Lëvizja Vetëvendosje ka organizuar një aksion në pikat kufitare: Merdarë dhe Dheu i Bardhë, me qëllim ndalimin e hyrjes së mallrave serbe në Kosovë.
Policia e Kosovës ka penguar protestuesit me përdorimin e gazit lotsjellës dhe të topave të ujit.
"Vetëvendosje" ka paralajmëruar se do të organizojë aksion të ngjashëm më 22 janar.(v.t.)
