Ibrahim Berisha është kameraman dhe montazhier i Radios Evropa e Lirë në Prishtinë.
Shtetet e Bashkuara dhe Koreja e Jugut kanë miratuar Deklaratën e Uashingtonit, që parasheh dislokimin e rregullt të një nëndetëseje amerikane në ujërat koreanojugore. Kjo do të bëhet për t’iu kundërvënë kërcënimeve bërthamore të Koresë së Veriut, që udhëhiqet nga Kim Jong Un.
Në zgjedhjet e jashtëzakonshme lokale në veriun e Kosovës, të cilat u bojkotuan nga popullata serbe, fituan dy parti shqiptare: Lëvizja Vetëvendosje dhe Partia Demokratike e Kosovës. Sipas rezultateve preliminare, kandidatja e vetme nga komuniteti serb fitoi vetëm 5 vota. Procesi zgjedhor u zhvillua pa asnjë incident, por me pjesëmarrje të ulët votuesish.
“Trauma të paimagjinueshme” e “histori të pathëna” dëgjon çdo ditë pune Selvi Izeti Çarkaxhiu. “Është e pamundur të mos të rrjedhin lotët”, thotë ajo. Kjo psikologe nga Prishtina ka më shumë se 15 vjet që punon me të mbijetuar të dhunës seksuale gjatë luftës në Kosovë.
Me parulla si “Bëhu zëri im” dhe “Jemi me ju”, një grup i qytetarëve të Kosovës shënoi 14 prillin, Ditën e të mbijetuarve të dhunës seksuale gjatë luftës së viteve 1998/99, me një marsh në përkrahje të viktimave.
“Shtetet e Bashkuara të Amerikës do të punojnë me lidershipin e Bashkimit Evropian për të arritur një rezultat që nëse Kosova i kryen, i respekton zotimet në këtë dokument (marrëveshjen e arritur në Ohër mes Kosovës dhe Serbisë)...
Në ditën e parë të gjyqit ndaj ish-krerëve të Ushtrisë Çlirimtare të Kosovës, më 3 prill, prokurorët e Zyrës së Prokurorit të Specializuar në Hagë kanë përdorur komunikata të UÇK-së, intervista televizive, dokumentarë, si dhe shënime personale.
Një ditë para se të nisë gjyqi për krime lufte ndaj ish-krerëve të Ushtrisë Çlirimtare të Kosovës, mijëra qytetarë marshuan në Prishtinë në mbështetje të tyre. Gjykimi i Hashim Thaçit, Kadri Veselit, Rexhep Selimit dhe Jakup Krasniqit nis më 3 prill në Gjykatën Speciale në Hagë.
E tërhequr nga fusha e teknologjisë informative, Jora Zeneli kaloi vite duke u vetedukuar në këtë lëmi. Shkollat ku ndoqi mësimet, thotë se nuk ofronin mësime të përditësuara, andaj kërkimet i bënte vetë në internet.
Disa gazetarë afganë, të strehuar në Kosovë, thonë se e ndiejnë mungesën e familjes dhe të traditave afgane në muajin e Ramazanit. Tash e disa javë, ata kanë krijuar një rutinë të jetës dhe të punës, shumë kilometra larg vendlindjes së trazuar nga regjimi taliban.
I dërguari i Shteteve të Bashkuara të Amerikës për Ballkanin Perëndimor, Gabriel Escobar, ka thënë në një intervistë për Radion Evropa e Lirë se qëllimi përfundimtar i Uashingtonit nga dialogu mes Kosovës dhe Serbisë është njohja reciproke.
Liderët e Kosovës dhe Serbisë pritet të takohen në Ohër të Maqedonisë së Veriut më 18 mars për të diskutuar zbatimin e propozimit evropian për normalizimin e marrëdhënieve mes dy vendeve. Në këtë video mund të mësoni se pse ky takim konsiderohet kaq i rëndësishëm dhe cilat janë pritjet.
Ambasadori i Gjermanisë në Kosovë, Jorn Rohde, i tha Radios Evropa e Lirë se nëse në rundin e ri të dialogut mes Kosovës dhe Serbisë, që mbahet në Ohër më 18 mars, do të ketë rezultat ideal, atëherë ai pret që edhe pesë shtetet mosnjohëse të BE-së të njohin pavarësinë e Kosovës.
Lagjja e Romëve në Mitrovicë të Jugut ishte ndër zonat më të dëmtuara nga vërshimet që ndodhën në disa pjesë të Kosovës më 19 dhe 20 janar të këtij viti. Për dhjetëra familje në këtë lagje, jeta në shtëpitë e tyre tani është shndërruar në sfidë, shkaku i dëmeve nga vërshimet.
Qindra qytetarë protestuan më 8 mars në Prishtinë, me thirrjet për drejtësi për gratë viktima të dhunës në familje. Në ditën kur shënohet Dita Ndërkombëtare e Gruas, protestuesit thanë se institucionet duhet ta marrin më seriozisht trajtimin e dhunuesve.
Dhjetëra vajza në Prishtinë po mësojnë se si të vetëmbrohen, në një kurs të organizatës joqeveritare Artpolis. Pas rasteve të ngacmimeve dhe sulmeve seksuale ndaj grave në Kosovë, shumë vajza kanë shprehur interesim për ta ndjekur kursin “Çikat e sjellshme”.
Nga vegjëlia, Resmije Rrahmani vuante nga një sëmundje që ia dobësoi muskujt dhe e bëri gati të palëvizshme. Për pasojë, u kufizua në shumë aktivitete, duke u detyruar që edhe mësimet t’i ndiqte me korrespondencë.
Në sheshet kryesore të Prishtinës janë vendosur flamuj kombëtarë të Ukrainës dhe mesazhe në mbështetje të saj në njëvjetorin e nisjes së pushtimit rus. Kosova u është bashkuar shteteve perëndimore duke dënuar dhe vendosur sanksione ndaj Rusisë për shkak të pushtimit të paprovokuar të fqinjit të saj.
Kosova shënon këtë 17 shkurt 15-vjetorin e pavarësisë, e cila u shpall me mbështetjen e Shteteve të Bashkuara dhe vendeve kryesore evropiane. Por, përpjekjet e saj për mëvetësi nisën së paku tri dekada më parë, kur asaj iu hoq dhunshëm autonomia që gëzonte brenda Jugosllavisë së atëhershme.
Shfaq më shumë
