Ibrahim Berisha është kameraman dhe montazhier i Radios Evropa e Lirë në Prishtinë.
Organizata Botërore e Shëndetësisë ka thënë se nuk duhet nxituar me lehtësimin e masave sepse rihapja mund të rrezikojë një valë të dytë të infeksioneve me COVID-19. Përveç virusit shumë shtete të varfra po ballafaqohen edhe me mungesë të ushqimit.
Për shkak të masave të rrepta kundër koronavirusit, që mbyllën edhe sallonin e tij, një floktar francez ka filluar t'i rregullojë klientët e tij pas mesnatës.
Prej kur ka filluar izolimi i njerëzve nëpër shtëpi në Rusi, një 80-vjeçare është duke ndihmuar me ushqime ata që kanë nevojë. Me furgonin e saj, ajo bart ushqimin nëpër disa shtëpi.
Disa biznese në Kosovë kanë filluar të punojnë, pasi ka filluar zbatimi i fazës së parë të lehtësimit të masave kufizuese kundër koronavirusit. Përveç hapjes së një pjesë të dyqaneve, kjo fazë parasheh edhe zgjerimin e orarit të lëvizjes së qytetarëve.
Jusuf Islami është “bloger” nga Prishtina. Që nga shfaqja e pandemisë së koronavirusit ai është shumë aktiv në rrjete sociale, ku publikon fotografi dhe video të pasioneve të tij: vrapimit dhe gatimit. Ai ka disa këshilla të rëndësishme për të mos shtuar peshë nga mungesa e aktivitetit fizik në kohë
Kohën e izolimit, sopranoja kosovare, Arta Jashari, po e shfrytëzon për të përkthyer veprat e famshme të operës në gjuhën shqipe, në mënyrë që ta afrojë edhe më shumë publikun kosovar me artin e operës.
Për të frenuar përhapjen e koronavirusit, disa Qendra të Mjekësisë Familjare në Prishtinë në hyrje, kanë vendosur tunele dezinfektuese. Qytetarët i kanë mirëpritur këto veprime dhe konsiderojnë se ato do të ndihmojnë në parandalimin e përhapjes se koronavirusit.
Sallat e Teatrit Kombëtar të Kosovës janë boshe, si pasojë e pandemisë së koronavirusit të ri, por ky institucion nuk e ka ndalur punën dhe shfaqjet po i transmeton drejtpërsëdrejti në rrjete sociale. Aktori Adrian Morina i fton qytetarët që t’i shikojnë shfaqjet në kohën sa ata janë në izolim.
Pas rritjes së numrit të të infektuarve me koronavirus në Prishtinë, autoritetet kanë marrë vendim për futjen e kryeqytetit të Kosovës në karantinë. Hyrjet dhe daljet do të jenë të ndaluara ashtu sikuse edhe grumbullimi i më shumë se dy personave afër njëri -tjetrit.
Sheshet kryesore në qendër të kryeqytetit të Kosovës, Prishtinë, janë bllokuar për qarkullim nga Policia e Kosovës, si masë për frenimin e përhapjes së koronavirusit.
Komuna e Mitrovicës së Veriut, që nga ora 18:00 e ditës së premte, më 3 prill, është në karantinë. Një vendim të tillë e ka sjellë Shtabi i krizës për luftë kundër koronavirusit i kësaj komune në veri të Kosovës.
Kanë dy javë që po qëndrojnë në izolim. Si e kalon një ditë një arkitekte, një menaxher i marketingut dhe një instruktore e zumbas?
Para shfaqjes së koronavirusit të ri, Arineta Mula rregullisht është marrë me vrapim dhe ngjitje malore. Njëjtë si shumica prej nesh, edhe Arineta po qëndron në shtëpi prej nga ka gjetur një mënyrë interesante për t’i ndihmuar njerëzit që të mos mërziten në shtëpi.
Për shkak të mungesës së maskave mbrojtëse në treg, disa gra të burgosura në burgun e Lipjanit kanë nisur t’i qepin ato në mënyrë që të parandalojnë përhapjen e koronavirusit nëpër burgje.
Pas vendimit të qeverisë për kufizimin e lëvizjes si masë e re në luftën kundër koronavirusit, rrugët e Prishtinës janë të zbrazëta. Qytetarët kanë filluar ta zbatojnë këtë vendim që të mos dalin në qytet gjatë orëve kur është e ndaluar.
Ushtria e SHBA-së ka vënë në dispozicion për autoritetet shëndetësore dy anije-spitale me nga 1,000 shtretër secila. Spitalet në SHBA mund të hasin në mungesë të shtretërve nëse numri i të prekurve me koronavirus vazhdon të rritet.
Refugjatët sirianë në kampe të ndryshme, sidomos në Lindje të Mesme janë të frikësuar nga përhapja e kornavirusit. Ata thonë se nuk kanë kujdes shëndetësor. Shqetësim për këtë ka ngritur edhe Organizata Botërore Shëndetësisë.
Konviktet e studentëve në Prishtinë janë kthyer në karantinë për qytetarët e Kosovës që kthehen nga vendet perëndimore. Kjo qendër ka 1,700 shtretër të gatshëm për t’u përdorur për izolim të të kthyerve.
Shumë qytetarë në Prishtinë dhe qytete tjera kanë bërë zhurmë dhe kanë goditur enë të ndryshme nga ballkonet e tyre për të protestuar kundër krizës së fundit qeveritare. Ata kanë kërkuar nga qeveritarët që t’i lënë anash dallimet dhe të koncentrohen në luftimin e përhapjes së koronavirusit.
Shfaq më shumë
