Current Time

“Lejlekët e Ukrainës” vëzhgojnë Bahmutin nga qielli

Mbi qytetin e Bahmutit, një ekip zbulimi i ushtrisë ukrainase drejton një dron të prodhuar në vend, të quajtur Leleka, i cili ka një kohëzgjatje maksimale fluturimi prej 2 orë e gjysmë.

Në qeli me Navalnyn: Si janë kushtet në burgjet ruse

I burgosuri më i famshëm politik në Rusi e kalon shumicën e kohës në një qeli izolimi prej 2.5 - 3 metrash. Mbështetësit e Aleksei Navalnyt e kanë krijuar një ekspozitë lëvizëse, duke treguar se si duket qelia e tij.

Kalorësit kirgizë rrezikojnë jetën në Alpe

Me përfundimin e pranverës në Kirgizi - vend i Azisë Qendrore pa dalje në det - kalorësit duhet t’i çojnë kuajt e tyre në kullota më të gjelbra, që gjenden majave të maleve.

Burrat që sulmuan Rusinë nga Ukraina

Këta janë disa nga personat që filluan një inkursion të armatosur nga Ukraina në rajonin e Belgorodit të Rusisë, më 22 maj. Të gjithë ata janë shtetas rusë, disa prej tyre kanë qenë anëtarë aktivë të grupeve të ekstremit të djathtë ose neo-naziste, ndërsa të tjerët kanë shërbyer në shërbimet e sigurisë ruse. (Përgatitën: Valona Tela dhe Arben Hoti)

Çfarë qëndron pas inkursionit të dytë në Rusi?

Një kolonel rezervë në ushtrinë ukrainase ka thënë se luftimet në rajonin rus Belgorod, kanë qenë “mision luftarak i zbulimit”, i nisur nga njësitet e shtetasve rusë, që kanë luftuar në anën e Kievit, prej vitit 2014. Qeveria ukrainase ka thënë se nuk ka asnjë lidhje me incidentin.

Ushtria ukrainase: Rusët në Bahmut kanë rënë në grackë

Një zëdhënës i ushtrisë ukrainase ka thënë më 22 maj se forcat ruse kanë rënë “në grackë” në Bahmut dhe se trupat ukrainase janë duke avancuar për t’i rrethuar rusët brenda në qytet.

Çfarë ndodh në Bjellorusi nëse Lukashenka vdes?

Udhëheqësi bjellorus, Alyaksandr Lukashenka, është shfaqur në publik për herë të parë pas gjashtë ditësh. Ka spekulime se shëndeti i tij është përkeqësuar. Lukashenka është në pushtet që nga viti 1994 - çfarë do të sjellë e ardhmja nëse ai vdes? (Përgatitën: Valona Tela dhe Bujar Tërstena)

'Ku mund të shkoj me dhinë time?’: Ukrainasit afër vijës së parë të frontit

Rrugë të zbrazura, ndërtesa të bombarduara dhe kratere të gjatësisë së një autobusi. Por, asnjëra nuk përbën arsye të mjaftueshme për banorët e paktë të fshatit ukrainas, Novomihajlivka, që të largohen prej aty.

“Ai humbi gjithçka”: Misioni i ushtarëve ukrainas për t’i gjetur fotoalbumet e një gjyshi

Një burrë i moshuar la pas gjithçka, pasi u largua nga shtëpia e tij në Çasiv Jar. Para se të ikte, ai hapi dyert për ushtarët ukrainas, të cilët tani po e ruajnë shtëpinë e tij.

Mercenarët e kthyer të Wagner-it akuzohen për mori krimesh të dhunshme

Pasi u rekrutuan nga burgjet për të luftuar në Ukrainë, disa mercenarë nga grupi privat ushtarak, Wagner, akuzohen se kanë kryer krime të dhunshme në Rusi, përfshirë vrasje.

Traktori i blinduar lëvron arat e minuara të Ukrainës

Një bujk ukrainas ka gjetur një mënyrë të re për të vazhduar punimin e arave të tij, pasi ato janë mbushur me mina ruse. Ai ka blerë një traktor të përdorur, e ka veshur atë me blindë dhe e ka lidhur me një pajisje për ngasjen e tij me telekomandë.

"Vuaj me dinjitet": Si e përballoi ushtarja e ve ukrainase robërimin rus

E liruar së voni në kuadër të një shkëmbimi të burgosurish, ushtarja ukrainase, Valeria Subotina, ka treguar për projektin e Radios Evropa e Lirë, Current Time, se si i ka përballuar 327 ditë robërimi rus si e burgosur e luftës.

Stoltenberg për REL-in: Jam i bindur se Ukraina do të jetë e suksesshme

"Qyteti është gjysmë i vdekur": Ringjallja e Hersonit të dërrmuar nga lufta

Vullnetarët në qytetin ukrainas, Herson, po punojnë pa pushuar për të ndihmuar në rigjallërimin e qytetit dhe riparimin e shtëpive të banorëve. Duke e përshkruar atë si “qytet gjysmë të vdekur”, një banor tha se rindërtimi është sfidues dhe i rrezikshëm, pasi Hersoni ende po bombardohet nga Rusia.

Vajza ruse merret në pyetje nga policia për mbështetjen ndaj Ukrainës

Nxënësja ruse, Varvara Zholiker, është gjendur nën hetime policore, pasi publikoi një flamur ukrainas në rrjetet sociale. Një mësues e kishte raportuar atë në polici, ndërsa familja e saj po vazhdon të mbikëqyret nga autoritetet.

"Nuk e di se çfarë të pret": Puna e rrezikshme e xhenierëve ukrainas në front

Xhenierët e një brigade sulmuese ukrainase rrezikojnë gjithçka për ta pastruar vijën e frontit nga minat e vendosura nga forcat ruse – dhe për t’i vendosur të tyret. Ata shpesh punojnë vetëm disa qindra metra larg pozicioneve ruse, duke u ekspozuar ndaj sulmeve potenciale.

Fëmijët ukrainas që Rusia i dërgoi në Krime ribashkohen me familjet e tyre

Fondacioni Save Ukraine solli në shtëpi 17 fëmijë ukrainas që ishin marrë nga autoritetet ruse dhe ishin dërguar në Krimenë e aneksuar. Prindërit e tyre ishin bindur nga forcat pushtuese në rajonin e Hersonit që t’i dërgonin fëmijët e tyre në një kamp veror në Krime, për t’i ikur luftës.

Gjahtarët e qiellit: Ukrainasit që po rrëzojnë dronët e prodhimit iranian

Ushtarët ukrainas po i mprehin aftësitë e tyre për t’i rrëzuar dronët e prodhimit iranian me armë automatike. Forcat ruse i përdorin dronët e tillë për të kryer sulme nëpër Ukrainë, përfshirë ndaj ndërtesave të banimit dhe infrastrukturës civile.

Ukrainasit detyrohen të ikin mes ashpërsimit të sulmeve ruse

Banorët që kanë qëndruar në qytetin lindor Avdijivka, në Ukrainë, tani kanë vendosur të largohen në ndonjë vend më të sigurt, teksa rreziku po rritet. Në komunën e goditur rëndë janë ashpërsuar bombardimet nga artileria ruse.

Gjahu i dronëve ukrainas për tanket ruse

Projekti i REL-it, Current Time, ka shikuar nga afër teksa një operator dronësh nga Brigada e Parë e Tankistëve ukrainas ka shënjuar pozicionet ruse në rajonin lindor ukrainas të Donbasit. Trupat ukrainase, po ashtu, kanë treguar një tank rus, të cilin thonë se e kanë marrë pasi ishte braktisur.