Në një debat për zgjerimin e Bashkimit Evropian, të zhvilluar të martën në Parlamentin Evropian, ku morën pjesë edhe deputetë të vendeve të rajonit, me përjashtim të Kosovës, presidenti i PE-së, David Sassoli bëri thirrje që sa më shpejt të vazhdohet procesi i zgjerimit të bllokut, pasi sipas tij, kjo është në interes të forcimit të BE-së.
Sassoli tha se Parlamenti Evropian do të insistojë që sa më shpejt të nisin negociatat për anëtarësim me Shqipërinë dhe Maqedoninë e Veriut dhe që shtetet të avancojnë drejt BE-së. Sipas tij, duhet të vazhdohen edhe reformat që kërkohen nga Brukseli.
Kreu i PE-së, David Sassoli tha se asnjëherë nuk duhet të harrohet se procesi i zgjedhimit është interes politikë dhe gjeografik i BE-së. Forcimi i BE-së, në kohën e sfidave globale, sipas tij, sigurohet edhe përmes zgjerimit të saj.
Ai përmendi edhe rolin e madh të mediave për të nxitur zhvillimet në BE dhe në zhvillimin e dialogut mes BE-së dhe Ballkanit Perëndimor. Ai paralajmëroi takime më të sheshta mes parlamentarëve të BE-së dhe atyre të vendeve të rajonit të Ballkanit.
SHIKONI EDHE: Sassoli: Maqedonia e Veriut të nisë bisedimet me BE-në për anëtarësimNë këtë debat mori pjesë edhe Komisioneri i ri për fqinjësi dhe zgjerim, Oliver Varhelyi, në paraqitjen e tij të parë që prej se mori mandatin për këtë post.
Varhelyi tha se Ballkani Perëndimor mbetet prioritet për BE-në dhe për të personalisht.
“Rajoni i Ballkanit Perëndimor ka perspektiv të vërtetë në BE, por për ta bërë këtë realitet duhet të ketë fokus në reforma të vërteta në rajon. Investimet ekonomike, liritë për njerëzit, rritja e standardit jetësor duhet të jenë prioritete. Komisioni në fillim të vitit të ardhshëm do të paraqesë raportin për forcimin e procesit të zgjerimit”, është shprehur komisioneri Varhelyi.
Varhelyi ka thënë se është i nevojshëm një angazhim i fortë politikë për reforma, jo për hir të BE-së, por të qytetarëve të shteteve të rajonit. Ai ka kërkuar që procesi i reformave të jetë gjithëpërfshirës dhe sipas tij, në këtë pikë, roli i parlamenteve nacionale, duhet të ketë kryesor.
“Dua që procesi të jetë më dinamik, jo vetëm të jetë fokusi në hapjen dhe mbylljen e kapitujve. Duhet të mundësohet që sa më herët vendet e Ballkanit të përfshihen në disa politika edhe para se të anëtarësohen në BE. Njerëzit të mos kenë nevojë që të presin anëtarësimin për të ndjerë benificionet”, tha Varhelyi.
SHIKONI EDHE: Premtimet e Oliverit për zgjerimin dhe fqinjësinë e BE-sëAi ka thënë se procesi i zhvillimit të integrimeve në BE mund të shkojë paralel edhe me zgjerimin. Komisioneri për zgjerim ka përsëritur se të gjithë kanë qenë të zhgënjyer nga mungesa e konsensusit mes shteteve të BE-së për hapjen e negociatave me Shqipërinë dhe Maqedoninë e Veriut.
“Ne do të vazhdojmë të mbrojmë qëndrimin se duhet të hapen negociatat me Maqedoninë e Veriut dhe Shqipërinë dhe do të kërkojmë këtë para samitit të Zagrebit. Roli i Kroacisë në avancimin e procesit të zgjerimit do të jetë i rëndësishëm në këtë drejtim”, është shprehur komisioneri i ri për zgjerim, Oliver Varhelyi.
Sa i përket Kosovës, aika thënë se tash pas certifikimit të rezultateve të zgjedhjeve duhet sa më parë të formohet qeveria, e cila urgjentisht duhet të fokusohet në reforma, luftën kundër krimit të organizuar dhe korrupsionit dhe të heqë taksat e vendosura ndaj Serbisë dhe Bosnje e Hercegovinës për importin e mallrave.
SHIKONI EDHE: Varhelyi: Dialogu të përmbyllet suksesshëm më 2020Varhelyi ka paralajmëruar se ai do të ndihmojë edhe Përfaqësuesin e Lartë të BE-së, Josep Borrell që të arrijë qëllimin e përmbylljes së suksesshme të dialogut mes Kosovës dhe Serbisë gjatë vitit të ardhshëm.