Forcat e armatosura të Ukrainës kanë filluar ofensivën në disa fronte në jug të vendit, për të rimarrë rajonin e Hersonit nga forcat pushtuese ruse, tha një zëdhënës ushtarak.
"Sot filluam aksione sulmuese në drejtime të ndryshme, duke përfshirë rajonin Herson", tha transmetuesi publik ukrainas Suspilne, duke cituar zëdhënësen e komandës jugore, Natalya Humenyuk.
Ajo e konfirmoi lajmin disa minuta më vonë në një konferencë. Rusia pushtoi pjesë të Ukrainës jugore në fazën e parë të pushtimit të saj më 24 shkurt.
SHIKONI EDHE: Ukraina: Ashpërsohen luftimet në Donjeck, Rusia planifikon ofensivë në HersonUkraina është zotuar për javë të tëra për të kryer kundërsulm të madh për të rimarrë jugun dhe ka përdorur armë me rreze të gjatë të prodhimit perëndimor për të goditur linjat ruse të furnizimit.
Humenyuk tha se sulmet e fundit të Ukrainës në rrugët logjistike jugore të Rusisë kishin "dobësuar pa dyshim armikun", duke shtuar se më shumë se 10 depo municionesh ruse ishin goditur gjatë javës së fundit. Megjithatë, ajo nuk pranoi të tregonte më shumë detaje rreth ofensivës së re.
SHIKONI EDHE:
Në 31-vjetorin e pavarësisë, Zelensky zotohet se Ukraina do ta luftojë Rusinë "deri në fund"Gjashtë muaj luftë: Pesë gjërat që duhet shikuar në luftën Rusi-UkrainëUdhëheqësi rajonal i Krimesë i emëruar nga Moska, Sergei Aksyonov, hodhi poshtë pohimin ukrainas për një kundërofensivë në rajonin e Horsonit, të cilin e quajti të rremë, duke pretenduar se forcat ukrainase kanë pësuar humbje të mëdha në jug dhe vende tjera.
Pushtimi rus i Ukrainës ka hyrë në muajin e shtatë.