Në një qendër stërvitore buzë Kievit, një grup grash kryen një kurs me pengesa dhe shkrepën pushkët Kalashnikov, teksa i testuan uniformat ushtarake të dizajnuara posaçërisht për to, të cilat do t’ua mundësojnë atyre të angazhohen rehatshëm në luftë.(Përgatiti: Ekrem Idrizi)
Ushtaret e Ukrainës i testojnë uniformat e reja të bëra enkas për to
Kadetet ukrainase, të veshura në uniformë të re, marrin pjesë në një ushtrim trajnues në periferi të Kievit më 12 korrik. Ky ushtrim u mbajt për t’i simuluar kushtet e luftës në rroba të dizajnuara specifikisht, të cilat iu përshtaten luftëtareve.
Më shumë se 42.000 gra shërbejnë në Forcat e Armatosura të Ukrainës, prej të cilave përafërsisht 5.000 shërbejnë në njësi luftuese. Të gjithave u janë dhënë uniforma të burrave. Nisma sociale “Ushtria e Grave Tani” përdori donacione për të krijuar dhe qepur disa mijëra uniforma që u përshtaten grave, të cilat ua kanë shpërndan falas ushtareve.
Gratë në ushtri zakonisht detyrohen të marrin uniforma të gjëra, apo uniforma të grave nga forcat e vendeve të tjera.
Një kadete ukrainase, e veshur në uniformën e re ushtarake, duke i gërshetuar flokët.
Madhësitë më të popullarizuara janë XS dhe XXS. Të gjitha ushtaret ukrainase mund të përfitojnë së shpejti nga dizajni i ri.
“Do të doja që të gjitha gratë ta marrin uniformën”, tha Iryna Nykorak, themeluesja e projektit, si dhe anëtarja e Parlamentit të Ukrainës për partinë e Petro Poroshenkos, Partia e Solidaritetit Evropian. NGO-ja e saj është duke biseduar me Ministrinë e Mbrojtjes për t’i siguruar uniformat si çështje standarde.
Një instruktor duke e ndihmuar një kadete me uniformë të re ushtarake gjatë kursit me pengesa në qendrën stërvitore jashtë Kievit.
Kadetet stërvitin afër Kievit. “Është goxha e vështirë për vajzat ta gjejnë veshjen e duhur të brendshme në të cilën ndihen rehatshëm”, tha Nykorak. “Veshjet e brendshme për misione luftarake, të cilat i përdor ushtria, dallojnë nga ato që vishen nga civilët”, shtoi ajo.
“Unë mendoj se, nëse një grua e ka kapur armën në dorë dhe po e mbron shtëpinë, familjen dhe vendin e vet, atëherë ajo duhet ta ketë një uniformë të rehatshme të paktën”, tha Nykorak.
Kadetet ukrainase veshin uniformat e reja ushtarake, të dizajnuara posaçërisht për gratë.