Ukraina synon më shumë depo armësh ruse ndërsa frika për sigurinë rritet në termocentralin bërthamor të pushtuar nga Rusia
Zyrtarët ukrainas raportuan se më shumë depo armësh ruse janë shënjestruar nga ushtria e vendit, mes shqetësimeve në rritje për sigurinë mbi një central bërthamor të pushtuar nga Rusia në jug të Ukrainës.
Depo "të mëdha" të armëve në rajonin e Hersonit janë shkatërruar gjatë natës, tha më 14 gusht Yuri Sobolevskiy, nënkryetari i parë i këshillit rajonal të Hersonit.
"Ka informacione të konfirmuara për shkatërrimin e objekteve si në Nova Kakhovka ashtu edhe në Muzikyvka. Aty ndodheshin magazina mjaft të mëdha ushtarake me armë dhe municione. Aty ishin ruajtur edhe pajisje ushtarake", tha ai për mediat ukrainase.
Për disa javë, ushtria e Ukrainës është përpjekur të hedhë bazat për një kundërofensivë për të rimarrë rajonin Hherson të Ukrainës jugore, i cili kufizohet me Krimenë dhe ra në duart e rusëve menjëherë pas pushtimit të 24 shkurtit.
Një zyrtar lokal ukrainas raportoi më 13 gusht se një sulm ukrainas kishte dëmtuar urën e fundit funksionale mbi lumin Dnieper, duke dëmtuar edhe më tej linjat e furnizimit rus.
Ndërkohë, presidenti ukrainas Volodymyr Zelensky ka paralajmëruar forcat ruse që të mos përdorin termocentralin bërthamor të Zaporizhjas për qëllime ushtarake.
“Çdo ushtar rus që ose qëllon në uzinë, ose qëllon duke përdorur uzinën si mbulesë, duhet të kuptojë se ai bëhet një objektiv i veçantë për agjentët tanë të inteligjencës, për shërbimet tona speciale, për ushtrinë tonë”, tha Zelensky në fjalimin e tij të natës më 13 gusht.
Presidenti ukrainas tha se bombardimet e fundit në uzinë kanë rritur kërcënimin e një rrjedhje rrezatimi dhe ai tha se diplomatët ukrainas dhe shtetet partnere "do të bëjnë gjithçka për të siguruar" që sanksionet e reja të bllokojnë industrinë bërthamore ruse.
Zaporizhja është centrali më i madh bërthamor në Evropë dhe në të gjenden gjashtë nga 15 reaktorët që gjenden në Ukrainë.
Forcat ruse e kanë nën kontroll këtë central që nga ditët e para të pushtimit në Ukrainë.
SHIKONI EDHE: Zelensky: Çdo rus që qëllon në centralin bërthamor do të bëhet objektiv i ushtrisë sonëZelensky, i cili nuk dha asnjë detaj, përsëriti akuzat se Rusia po e përdorte centralin si shantazh bërthamor.
G7 i ka bërë thirrje Moskës që të tërheqë forcat e saj nga ky central.
Agjencia e inteligjencës mbrojtëse e Ukrainës më 13 gusht paralajmëroi për "provokime" të reja ruse rreth uzinës, ndërsa kryetari i bashkisë së qytetit ku ndodhet uzina tha se kishte granatime të reja ruse.
Por, një zyrtar lokal i instaluar nga Rusia, Vladimir Rogov, shkroi në Telegram se forcat ukrainase po bombardonin centralin.
Kreu i agjencisë bërthamore të OKB-së, Rafael Grossi, paralajmëroi më 11 gusht se aktiviteti ushtarak "shumë alarmues" në centralin bërthamor të Zaporizhja mund të çojë në pasoja të rrezikshme për rajonin dhe bëri thirrje për t'i dhënë fund sulmeve.
Grossi i kërkoi Rusisë dhe Ukrainës, të cilat fajësojnë njëra-tjetrën për sulmet në central, të lejojnë menjëherë ekspertët bërthamorë të vlerësojnë dëmet dhe të vlerësojnë sigurinë dhe sigurinë në kompleksin e gjerë bërthamor ku situata "është përkeqësuar shumë shpejt".
SHIKONI EDHE:
Granatime tjera në centralin bërthamor në UkrainëRusia kërkon mbledhje të OKB-së për centralin ukrainasGuterres kërkon qasje të inspektorëve ndërkombëtarë në centralin e ZaporizhjasNë fushëbetejë, Ministria ruse e Mbrojtjes pretendoi më 13 gusht se kishte marrë kontrollin e plotë të Pisky, një fshat në periferi të Donjeckut, ndërsa komanda ushtarake e Ukrainës tha se "luftimet e ashpra" vazhduan në fshat.
Trupat ruse dhe rebelët e mbështetur nga Kremlini po përpiqen të kapin zonat e kontrolluara nga ukrainasit në veri dhe perëndim të qytetit të Donjeck, por ushtria ukrainase tha më 13 gusht se forcat e saj kishin parandaluar një avancim brenda natës drejt qyteteve më të vogla të Bakhmut dhe Avdiyivka.