Lajmet

Tajvani kryen stërvitje ushtarake në mes të tensioneve të larta me Kinën

Një avion luftarak i llojit F-16 i ushtrisë tajvaneze. Fotografi nga arkivi.

Tajvani ka kryer stërvitje ushtarake më 11 gusht, një ditë pasi Kina fqinje përfundoi stërvitjet e shkallës së gjerë në Ngushticën e Tajvanit.

Në stërvitjet ushtarake të Tajvanit, që zgjatën pothuajse një orë, u përfshin qindra trupa dhe artileri.

Këto stërvitje u mbajtën në pjesën jugore të ishullit. Stërvitje të ngjashme Tajvani kishte mbajtur në zonën e njëjtë edhe më 9 gusht.

SHIKONI EDHE: Kina sërish kërcënon me përdorimin e forcës për të aneksuar Tajvanin

Ushtria e Tajvanit tha se të dy stërvitjet ishin planifikuar më herët dhe nuk u mbajtën në përgjigje të veprimeve të Pekinit.

Tensionet në këtë zonë janë rritur pasi javën e kaluar kryetarja e Dhomës së Përfaqësuesve, Nancy Pelsoi, së bashku me një delegacion të Kongresit amerikan, vizitoi Tajvanin.

Pelosi është zyrtarja më e lartë amerikane që ka vizituar ishullin e Tajvanit në dekada.

SHIKONI EDHE:

Taipei: Stërvitjet e Kinës nënkuptojnë ‘përgatitje për pushtim të Tajvanit’Kronologjia e tensioneve Kinë-TajvanPelosi: Përcaktimi i Amerikës për të ruajtur demokracinë në Tajvan mbetet i hekurt

Kina pretendon se Tajvani është provincë e saj dhe refuzon që të përjashtojë mundësinë e përdorimit të forcës për të rimarrë kontrollin e ishullit.

Kina dhe Tajvani janë ndarë gjatë luftës civile më 1940.

Raportet mes Pekinit dhe Taipeit janë përkeqësuar veçmas që nga viti 2016, kur Tsai Ing-wen u bë presidente e Tajvanit me platformën që nuk njeh pretendimet e Pekinit mbi këtë ishull vetëqeverisës.