Rusia ka lëshuar mbi 20 raketa dhe dy dronë drejt Kievit dhe qyteteve të tjera ukrainase më 28 prill. Zyrtarët thanë se të paktën 12 persona u vranë në sulmin e parë të shkallës së gjerë në pothuajse dy muaj. Qyteti më i goditur nga sulmet vdekjeprurëse është ai i Umanit.
“Nata e terrorit rus” ndaj qyteteve ukrainase
Një ndërtesë banimi në Uman e përfshirë nga zjarri, pas sulmeve ruse me raketa mëngjesin e 28 prillit. Sipas guvernatorit rajonal, Igor Taburets, dy raketa goditën ndërtesën nëntëkatëshe, duke vrarë të paktën dhjetë persona, përfshirë dy fëmijë.
Një grua, me një fëmijë në duar, duke u larguar nga vendi ku u godit me raketa ruse një ndërtesë banimi në Uman.
Punëtorët e shpëtimit në Uman duke kërkuar për të mbijetuar nën rrënojat e një ndërtese. Presidenti ukrainas, Volodymyr Zelensky, dënoi sulmet ajrore dhe ngjarjen e përshkroi si “nata e terrorit rus”.
Një nga viktimat në Uman ishte një 75-vjeçare, e cila ishte duke fjetur në kohën kur ndërtesa e saj u godit nga sulmet ruse. Ekipet emergjente besojnë se ajo vdiq si pasojë e gjakderdhjes së brendshme të shkaktuar nga dridhjet pas shpërthimit.
Një grua qan teksa sheh një ndërtesë të shkatërruar në Uman.
Ekipet e shpëtimit dhe qytetarët e Umanit kërkojnë për të mbijetuar të bllokuar nën rrënoja.
Një punëtor i shpëtimit ndihmon një grua në Uman.
Ekipet e shpëtimit duke larguar trupat e personave që u vranë në Uman nga sulmet ruse. Kryeqyteti ukrainas, Kiev, po ashtu u godit nga shpërthimet. Zyrtarët raportuan se njësitë e mbrojtjes ajrore rrëzuan 11 raketa dhe dy dronë rusë.
Zjarrfikësit duke punuar në një ndërtesë në Uman. Raketat u lëshuan nga avionë që operojnë në rajonin e detit Kaspik, tha komandanti i ushtrisë ukrainase, Valeriy Zaluzhniy.
Zjarrfikësit shuajnë zjarrin në një depo, që u godit nga sulmet ruse në Dnipro, në lindje të Ukrainës. Autoritetet raportuan se një grua 31-vjeçare dhe vajza e saj 2-vjeçare u vranë në sulmet e mëngjesit të 28 prillit.
Një tjetër lokacion që u godit nga raketat ruse në qytetit Ukrainka, që gjendet 40 kilometra në jug të Ukrainës. në këtë qytet u sulmua një ndërtesë banimi.
Një banor duke pastruar pasi banesa e tij u godit nga fragmente të një rakete ruse.