Marrja e ujit nga nivele të ndryshme të Badocit, zgjidhje e mundshme për manganin

Teksa flet për përsëritjen e nivelit të lartë të manganit në ujin e pijes, eksperti i ujërave, Skender Bublaku, thotë se institucionet shtetërore duhet që në mesin e prioriteteve të kenë edhe investimin për përmirësimin e cilësisë së ujit. Ai konkretisht kërkon që të mundësohet marrja e ujit nga nivele të ndryshme të liqenit të Badocit. Për shkak të rritjes së vlerave të manganit, Instituti Kombëtar i Shëndetësisë Publike të Kosovës ka rekomanduar më 4 tetor që uji nga Badoci të mos përdoret për pije.