SHBA-ja hap portin për ndihma në Gazë

Shtetet e Bashkuara të Amerikës kanë hapur një port të përkohshëm në një plazh të Gazës, për të mundësuar më shumë dërgesa të ndihmave humanitare. Zëdhënësja e Pentagonit, Sabrina Singh, ka thënë se porti “është koordinuar për të mbështetur përpjekjen e USAID-it dhe të OKB-së për të dërguar dhe për të shpërndarë ndihma”. Qindra mijëra palestinezë janë buzë urisë pas nisjes së luftës në Gazë, e nxitur nga sulmi i 7 tetorit 2023 ndaj Izraelit nga grupi ekstremist palestinez, Hamas, i shpallur organizatë terroriste nga Shtetet e Bashkuara të Amerikës dhe Bashkimi Evropian. (Përgatitën: Trim Haliti dhe Arben Hoti)