Presidenti rus Vladimir Putin, ende synon të pushtojë pjesën më të madhe të Ukrainës, kanë thënë shërbimet amerikane të inteligjencës.
Megjithatë, trupat ushtarake të Moskës janë dobësuar aq shumë në luftë, saqë zyrtarët amerikanë besojnë se ato mund të bëjnë vetëm përparim të ngadalshëm.
Kjo nënkupton se lufta mund të zgjasë për kohë të gjatë, ka thënë shefja e Agjencisë Kombëtare të Inteligjencës në SHBA, Avril Haines.
SHIKONI EDHE: Zelensky: Lufta duhet të përfundojë para dimritNë muajin mars, Moska ka rifokusuar trupat në Donbasin lindor, pasi ka dështuar që të fitojë kontrollin e kryeqytetit ukrainas Kievit dhe qyteteve tjera.
Putin ka ende të njëjtat synime që ka pasur në nisje të konfliktit, ka thënë Haines – që të kontrollojë pjesën më të madhe të Ukrainës.
Megjithatë, ajo beson se Rusia ka pak mundësi që të arrijë atë synim në një të ardhme të afërt.
“Ne vërejmë mospërputhje në mes të objektivave afërshkurtër të Putinit dhe kapaciteteve të tij ushtarake, një lloj mospërputhjeje në mes të ambicieve të tij dhe asaj që mund të arrijë ushtria”, ka thënë ajo në një konferencë të Departamentit amerikan të Tregtisë.
SHIKONI EDHE: Ukraina bën thirrje për pozicion të barabartë në luftimePrej kur ka dështuar që të arrijë qëllimin fillestar për pushtim të Kievit, Rusia është fokusuar në kontrollimin e rajonit Donbas, në lindje të Ukrainës.
Në këtë zonë të madhe industriale, Putin pretendon, pa ofruar të dhëna, se Ukraina ka kryer gjenocid kundër rusishtfolësve.
Forcat ruse kanë bërë përparim në këtë rajon, duke marrë kontrollin e qytetit të Severodonjeckut, mirëpo përparimi ka qenë i ngadalshëm dhe forcat ukrainase janë duke bërë rezistencë të ashpër.
SHIKONI EDHE: A po e humb Ukraina luftën?Luftë e gjatë
Në komentet e saj të para publike prej muajit maj për luftën në Ukrainë, Haines ka sugjeruar se lufta do të mund të zgjasë për një periudhë kohore dhe se “pamja duhet goxha e zymtë”.
Ajo ka thënë se agjencitë e inteligjencës kanë tre skenarë sesi lufta mund të zhvillohet, dhe me shumë gjasë mund të jetë konflikt me përparim të ngadalshëm.
Tjetri skenar, që ka më pak mundësi të realizimit, është që Rusia të shënojë përparim të madh, apo që të ketë stabilizim të fontit të luftës nëse Ukraina bën përparim të vogël.
SHIKONI EDHE: Situata në Lisiçansk është "shumë e rëndë"Kjo nënkupton që Moska mund të bëhet më e varur nga “mjetet asimetrike” për të shënjestruar armiqtë, duke përfshirë sulmet kibernetike dhe përpjekje për të kontrolluar burimet e energjisë apo edhe armët bërthamore.
Haines ka bërë këto komente të mërkurën, pasi liderët e NATO-s janë zotuar se do të qëndrojnë mbrapa Ukrainës për aq sa të ketë nevojë.
Liderët janë pajtuar për rritje të prezencës në Evropë, si dhe kanë ftuar Finlandën dhe Suedinë që t’i bashkohen aleancës.
Shefi i NATO-s, Jens Stoltenberg, ka thënë se aleanca ka bërë rishikimin më të madh të politikave prej Luftës së Ftohtë.
SHIKONI EDHE: NATO: Rusia, kërcënimi më i madh për paqen dhe sigurinëPresidenti amerikan Joe Biden është zotuar se NATO-ja do të “forcohet në të gjitha drejtimet – në tokë, ajër dhe det”.
Duke iu përgjigjur mundësisë që Suedia dhe Finlanda të bëhen anëtare të NATO-s, presidenti rus Vladimir Putin ka akuzuar aleancën ushtarake për përshkallëzim të qëllimshëm të tensioneve.
“Nëse pozicionohen trupa dhe infrastrukturë e NATO-s, Rusia do të jetë e detyruar të përgjigjet”, ka thënë Putin gjatë një vizite në Turkmenistan.
SHIKONI EDHE: Një marrëveshje me Turqinë i hap derën zgjerimit të NATO-sNdërkohë, Qeveria britanike është zotuar se do të ndajë 1.2 miliard dollarë si ndihmë ushtarake për Ukrainën, duke rritur gati dyfish vlerën e ndihmës.
Vetëm Shtetet e Bashkuara kanë dërguar më shumë ndihmë ushtarake në Ukrainë sesa Britania.
Presidenti ukrainas Volodymyr Zelensky, ka thënë se shtetit të tij i duhen rreth 5 miliardë dollarë në muaj, për të financuar luftën kundër Rusisë.