Rusia tha se dërgimi i raketave Patriot nga Shtetet e Bashkuara në Ukrainë nuk do të ndihmojë në zgjidhjen e konfliktit ose nuk do ta pengojë Moskën të arrijë qëllimet e saj.
Megjithëse sistemi i mbrojtjes ajrore Patriot konsiderohet gjerësisht si i avancuar, presidenti Vladimir Putin e quajti atë si "mjaft të vjetër", duke u thënë gazetarëve se Moska do të gjente një mënyrë për ta luftuar atë.
Në të njëjtën kohë, ai tha se Rusia dëshiron t'i japë fund luftës në Ukrainë dhe se kjo do të përfshinte në mënyrë të pashmangshme një zgjidhje diplomatike.
“Qëllimi ynë nuk është të vazhdojmë konfliktin ushtarak, por përkundrazi, t'i japim fund kësaj lufte”, tha Putin.
"Ne do të përpiqemi t’i japim fund kësaj dhe sa më shpejt aq më mirë, natyrisht", tha ai.
Zëdhënësi i Shtëpisë së Bardhë, John Kirby, tha se Putini "ka treguar absolutisht zero indikacione se ai është i gatshëm të negociojë" një fund të luftës.
SHIKONI EDHE: Çfarë fitoi Zelensky nga vizita në Uashington?"Gjithçka që ai (Putini) po bën në tokë dhe në ajër, flet për një njeri që dëshiron të vazhdojë të shfaqë dhunë mbi popullin ukrainas, të përshkallëzojë luftën", u tha Kirby gazetarëve.
Rusia ka thënë vazhdimisht se është e hapur për negociata, por Ukraina dhe aleatët e saj dyshojnë për një dredhi për të blerë kohë pas një sërë humbjesh dhe tërheqjesh ruse në fushën e betejës që kanë lëvizur vrullin e luftës 10-mujore në favor të Ukrainës.
Ndërkohë, presidenti i Ukrainës, Zelensky, u kthye nga udhëtimi i tij i parë jashtë vendit gjatë kohës së luftës, i mbështetur nga presidenti amerikan, Joe Biden, të mërkurën.
"Ne po kthehemi nga Uashingtoni me rezultate të mira. Me diçka që do të ndihmojë vërtet", tha Zelensky në Telegram.
Administrata Biden njoftoi se do të japë 1.85 miliard dollarë të tjerë ndihmë ushtarake për Ukrainën, duke përfshirë sistemin e raketave Patriot, pasi Zelensky filloi vizitën e tij.
Por, vizita lë shumë pyetje pa përgjigje, duke përfshirë mënyrën se si ndihma ushtarake e SHBA-së mund të evoluojë, nëse mbështetja e Kongresit të SHBA-së do të zgjasë dhe si do të përfundojë lufta.
Putini ka thënë më parë se sanksionet kundër Rusisë nuk do ta bëjnë atë të ndryshojë pozicionin e saj ndaj Ukrainës dhe furnizimet me armë perëndimore vetëm do ta zvarrisin konfliktin.
SHIKONI EDHE: Çfarë mund të bëjnë raketat Patriot për Ukrainën?