Nën masa të rrepta të sigurisë, zyrtarë shtetërorë, partiakë dhe organizata të shoqërisë civile kanë vizituar varrin e Goce Dellçevit në Shkup – figurë historike për të cilën kanë pretendime edhe Maqedonia e Veriut edhe Bullgaria – në 105-vjetorin e tij të vdekjes. Një numër i madh i qytetarëve janë mbledhur afër Kishës Shën Spasi, ku gjendet varri i Dellçevit. Edhe një grup bullgarësh kanë paralajmëruar ardhjen në këtë manifestim.
Qytetarë, delegacione dhe forca të sigurisë në manifestimin për Dellçevin
Disa qytetarë të mbledhur afër Kishës Shën Spasi, ku është organizuar ceremonia për përkujtimin e Dellçevit
Presidenti maqedonas, Stevo Pendarovski, kryeministri maqedonas, Dimitar Kovaçevski, përfaqësues të partive politike, dhe të organizatave të ndryshme kanë dërguar lule te varri i Dellçevit në mëngjesin e së shtunës.
Kryetari i partisë opozitare, VMRO-DPMNE-së, Hristijan Mickoski, me një delegacion partiak te varri i Dellçevit.
Zyrtarët policorë kanë kontrolluar të gjitha qytetarët që kanë lëvizur në perimetrin afër zonës ku është zhvilluar ceremonia përkujtimore.
Pjesëtarë të forcave speciale duke kontrolluar qytetarët.
Në pikën kufitare në Dellçevë nuk është regjistruar një numër i madh i kalimeve nga Bullgaria në Maqedoni të Veriut.
Vendkalimi kufitar Deve Bair në Kriva Pallankë, në kufirin maqedono-bullgar në mëngjesin e 4 shkurtit.
Rreth 100 njerëz me pankarta dhe flamuj janë mbledhur afër zonës ku gjendet Kisha Shën Spasi.
Dhjetëra anëtarë dhe simpatizantë të partisë opozitare VMRO-DPMNE duke u nisur të organizuar te varri i Dellçevit.