Protestë në Tiranë kundër taksës rrugore

Qytetarët dhe pjesëtarë të shoqërisë civile po protestojnë në Tiranë kundër taksës rrugore në Rrugën e Kombit.
 

Ata janë mbledhur para Drejtorisë së Policisë në kryeqytetin shqiptar.

Policia shqiptare po përkujdeset për mbarëvajtjen e protestës.

Protestuesit po kërkojnë lirimin e të arrestuarve në protestën e së shtunës në Kukës.

Të shtunën, qytetarët kanë protestuar në Kalimash kundër taksës dhe kanë djegur kabinat ku bëhet pagesa e kësaj takse.

Qeveria e Edi Ramës ka vendosur taksë prej 5 eurosh për makinat  që qarkullojnë në Rrugën e Kombit.

Kjo taksë po konsiderohet e shtrenjtë nga qytetarët e Shqipërisë dhe ata të Kosovës.

Opozita në Shqipëri po ashtu kundërshton vendosjen e taksës, ndërkaq nga Qeveria e Shqipërisë kanë thënë se me paratë e mbledhura nga taksa rrugore, do të mundësohet mirëmbajtja e autostradës që lidh Shqipërinë me Kosovën.