Dita e tretë e protestave të serbëve në veri

Pamje nga Zveçani në orët e mesditës të së mërkurës.

Pjesëtarë të KFOR-it rrugëve të Zveçanit.

Lideri i Listës Serbe duke biseduar me pjesëtarë të KFOR-it në Zveçan pasditen e së mërkurës.

Protestuesit serbë kanë shpalosur një flamur gjigant të Serbisë në Zveçan në ditën e tretë të protestave.

Pamje nga lart e flamurit të Serbisë që u shpalos nga portestuesit serbë të mërkurën në Zveçan.

Misioni i NATO-s, KFOR, ka vendosur tela gjemborë përreth objektit të komunës.

Një grua mban një bluzë ku shkruan "KFOR-i vrasësi", para objektit të komunës në qytetin e Zveçanit, në veri të Kosovës, të mërkurën më 31 maj 2023. 

Derisa protestat e serbëve vazhdonin, KFOR-i ka ruajtur objektet komunale. 

Qindra serbë kanë protestuar para Komunës së Zveçanit duke kundërshtuar hyrjen e kryetarëve shqiptarë në objektin komunal javën e kaluar.

Ushtarët e KFOR-it jashtë ndërtesës komunale në ditën e tretë të protestave të serbëve në qytetin e Zveçanit, në veri të Kosovës, 31 maj 2023.

Përfaqësues të Listës Serbe, partisë më të madhe të serbëve në Kosovë, kanë thënë se do t’i vazhdojnë protestat derisa të përmbushen kërkesat e tyre, përkatësisht të tërhiqen edhe kryetarët shqiptarë të komunave, edhe njësitet speciale të Policisë së Kosovës nga veriu i Kosovës - i banuar me shumicë serbe.

Në mesin e protestuesve në Zveçan kishte një numër të madh të të punësuarve në institucionet që punojnë në sistemin e Serbisë.

Protestat e serbëve vazhduan në ditën e tretë edhe në Zubin Potok, që nga ora 7 e mëngjesit.

Në Zubin Potok shihen edhe pjesëtarë të Policisë së Kosovës, edhe ushtarë të misionit të NATO-s, KFOR.
 

Rreth 100 protestues ishin mbledhur edhe para objektit komunal në Leposaviq. 

Situata në Zubin Potok ka qenë e qetë.

Protestuesit në Zubin Potok duke i larguar çadrat.