Protesta vdekjeprurëse në Kazakistan

Trupat ajrore ruse duke hipur në një aeroplan transportues për t'u nisur për në Kazakistan në aeroportin "Chkalovsky", në verilindje të Moskës, më 6 janar. Një ditë më parë, presidenti i Kazakistanit, Qasym-Zhomart Toqaev, bëri thirrje për ndërhyrjen e Organizatës së Traktatit të Sigurisë Kolektive (CSTO), duke fajësuar bandat e huaja "terroriste" për trazirat që kanë përfshirë vendin e tij. 

Një aeroplan transportues rus, Ilyushin IL-76, bart trupat ushtarake drejt Kazakistanit nga aeroporti "Chkalovsky".  CSTO-ja është aleancë ushtarake e përbashkët e Rusisë, Armenisë, Bjellorusisë, Kazakistanit, Kirgistanit dhe Taxhikistanit. 

Personel ushtarak i paidentifikuar duke shtënë me armë zjarri në qendër të qytetit Almaty më 6 janar 2022. Në videon ku shihet kjo skenë, personi në të djathtë duket se po sinjalizon që t'i ndal të shtënat pas një shpërthimi të vazhdueshëm armësh nga formacioni.

Një kamion duke u djegur afër zyrës së kryebashkiakut të qytetit Almati mbrëmjen e 5 janarit. Gjatë natës pati dhunë dhe plaçkitje në qytet pasi protestat masive antiqeveritare përfshinë pjesën më të madhe të Kazakistanit. 

Dëmtimet brenda zyrës së kryetarit të bashkisë të qytetit Almati, 5 janar 2022. 

Zyrës së kryetarit të bashkisë, në qendër të qytetit Almati, iu vu flaka më 6 janar pasi ishte sulmuar dhe plaçkitur nga protestuesit një ditë më parë.

Një pemë Krishtlindjesh e rrëzuar brenda një dyqani të grabitur, Almati.

Një burrë para zyrave që po digjen të transmetuesit shtetëror të Kazakistanit, Almati, 6 janar.

Një mur i krijuar nga forcat e sigurisë në perimetrin përreth Pallatit Presidencial në Nur- Sultan. Kryeqyteti i Kazakistanit ka qenë relativisht i qetë pasi dhuna vdekjeprurëse ka përfshirë Almatin.

Trupat ushtarake në sheshin kryesor, Sheshi i Republikës, në Almati më 6 janar. 

Zyra e kryetarit të bashkisë në Almaty duke u djegur mbrëmjen e 5 janarit. 

Protestuesit mbajnë helmeta të stilit ushtarak, Almati më 5 janar. 

Dhjetëra ushtarë të paidentifikuar të mbledhur ndërsa dëgjohen të shtëna armësh në qendër të Almatit, më 6 janar 2022.

Një kamion zjarrfikësish duke u djegur në Almati, më 5 janar. 

Një burrë kalon pranë dyqanit të parfumeve "French House" në Almati më 6 janar. Forcat e sigurisë në Kazakistan thonë se kanë vrarë dhjetëra protestues antiqeveritarë në Almati. Autoritetet thonë se 12 anëtarë të forcave të sigurisë janë vrarë dhe 353 janë plagosur në trazirat, që u shkaktuan nga dyfishimi i çmimit të gazit të lëngshëm.