Partia Socialdemokrate (PSD) protestoi të mërkurën e 29 nëntorit kundër kryetares së Dhomave të Specializuara, Ekaterina Trendafilova, duke hedhur bomba tymuese pranë një hoteli në Prishtinë, ku ajo po mbante takim me shoqërinë civile.
Vizita e Trendafilovas nxit protestë në Prishtinë
Duke hedhur bomba tymuese, Partia Socialdemokrate (PSD) protestoi të mërkurën kundër kryetares së Dhomave të Specializuara, Ekaterina Trendafilova.
Protesta kundër Trendafilovas u mbajt pranë një hoteli në Prishtinë, ku ajo po mbante takim me shoqërinë civile.
"Kjo është përpjekje për disiplinim dhe përmirësim imazhi për gjykatën e padrejtë speciale", shkroi PSD-ja në Facebook.
Protestuesit mbanin në duar pankarta me mbishkrimin “UÇK-ja nuk mund të gjykohet”, “UÇK-ja është përpjekja për liri”, dhe “Trendafilova out”, si dhe brohoritën “Poshtë Gjykata Speciale”.
Sipas PSD-së, Policia e Kosovës gjatë protestës i arrestoi gjashtë anëtarë të saj, e cila nuk përfaqësohet në Kuvendin e Kosovës.
Partia Social Demokrate tha se në mesin e të arrestuarve është edhe kryetari i saj, Dardan Molliqaj.
Duke folur para se protesta të përshkallëzonte, kryetari i PSD-së, Dardan Molliqaj, tha se u mblodhën përballë hotelit për ta kundërshtuar vizitën e Trendafilovës në Kosovë.
Duke folur para se protesta të përshkallëzonte, kryetari i PSD-së, Dardan Molliqaj, tha se u mblodhën përballë hotelit për ta kundërshtuar vizitën e Trendafilovës në Kosovë.
Partia Socialdemokrate ka protestuar kundër Trendafilovës edhe në të kaluarën.
Policia e Kosovës duke arrestuar një nga protestuesit kundër Trendafilovës.
Pamje gjatë arrestimeve nga Policia e Kosovës.
"Sa herë që kemi qenë më afër Serbisë dhe marrëveshjeve të këqija me Serbinë, ka pasur përndjekje të UÇK-së", tha ndër tjerash Molliqaj.