Përmbytjet shtojnë vuajtjet e palestinezëve në Gazë

Disa pjesë të Gazës janë përmbytur, të mërkurën, pas një nate me shi të rrëmbyeshëm e me erëra të fuqishme. Uji ka përmbytur dhe ka dëmtuar tendat e njerëzve të zhvendosur nga ofensivat izraelite, duke përshkallëzuar krizën humanitare në territorin palestinez. Të paktën 85 për qind e popullsisë prej 2 milionë banorësh të Gazës është zhvendosur që kur luftimet filluan në tetor, duke ngritur shqetësime urgjente për përhapjen e sëmundjeve, si dhe për furnizimet e pakta me ujë dhe ushqime. (Përgatitën: Trim Haliti dhe Ibrahim Berisha)