Gjykata Themelore në Ferizaj ka caktuar masën e paraburgimit prej një muaji ndaj dy të dyshuarve për vrasjen e një personi në Bibaj të Ferizajt më 16 gusht.
Gjykata tha se “ekziston dyshimi i bazuar” se F.R. dhe J.M. në bashkëkryerje kanë kryer veprën penale “vrasje e rëndë”.
SHIKONI EDHE: Dy të arrestuar lidhur me vrasjen në FerizajF.R., zyrtar policor, ishte dorëzuar vet tek autoritetet, ndërkaq J.M., po më 16 gusht ishte arrestuar.
Viktima, S.S, u vra në parkingun e një salle dasmash në Ferizaj mbrëmjen e 16 gushtit.
Prokuroria Themelore në Ferizaj tha një ditë më herët se F.R. dyshohet se e ka kryer vrasjen me armën zyrtare.
Si Prokuroria, ashtu edhe Gjykata Themelore thanë se F.R, “për qëllime të ulëta” ka kryer vrasjen. Sipas institucioneve të drejtësisë, ai sapo ka vërejtur viktimën që ka hyrë në parkingun e sallës së dasmave, me të dyshuarin tjetër, J.R., secili me vetura të tyre janë nisur drejt viktimës.
SHIKONI EDHE: Prokuroria e Ferizajt jep detaje se si ndodhi vrasja në fshatin BibajJ.M. dyshohet se me një mjet të fortë i është vërsulur viktimës, ndërkaq F.R., me armë zyrtare ka shtënë disa herë drejt S.S, i cili ka vdekur në vendin e ngjarjes.