Frikë nga Omicroni, bota në kërkim të imunizimit

Varianti i ri i koronavirusit, Omicron po shpërndahet me shpejtësi në mbarë botën. Organizata Botërore e Shëndetësisë njoftoi më 3 dhjetor se ky variant është identifikuar në 38 shtete, por deri më tani nuk është regjistruar asnjë vdekje që lidhet me këtë variant; Kenia mëton që të vaksinojë 10 milionë persona deri në Krishtlindje teksa shtetet afrikane më në fund kanë marrë doza të reja të vaksinave dhe Angela Merkel ka përdorur podkasin e saj të fundit si kancelare e Gjermanisë për t’iu bërë thirrje qytetarëve të vaksinohen kundër koronavirusit. (Përgatitën: Teuta Arifaj dhe Ibrahim Berisha)