Rihapet Observatori i Prishtinës

Në Kosovë më 13 korrik u hap Observatori i Prishtinës. Ndërtesa e Observatorit gjendet pranë Pallatit të Rinisë, në qendër të Prishtinës. 

Observatori ka një teleskop qendror optik, teleskop solar dhe një stacion meteorologjik.

Një person duke vizituar Observatorin e Prishtinës. Ky Observator, sipas Klubit të Astronomëve të Kosovës, do të ketë edhe një plenatorium, i cili është nën ndërtim. 

Fotografi të Hënës të ekspozuara në Observatorin e Prishtinës. 

Kryetari i Prishtinës, Përparim Rama, gjatë hapjes së Observatorit të Prishtinës. Komuna e Prishtinës dhe Misioni i Kombeve të Bashkuara në Kosovë, UNMIK, kanë ndihmuar në funksionalizimin e Observatorit. 

Një person shikon përmes teleskopit të vendosur në Observatorin e Prishtinës. Kur u hap për herë të parë ky Observator më 1977 përdorte një teleskop sovjetik, por sot aty gjendet një teleskop i prodhimit amerikan. 

Një vajzë e vogël shikon fotografitë e Hënës të ekspozuara në ndërtesën e Observatorit të sapohapur. 

Një person shikon përmes teleksopit të vendosur në Observatorin e Prishtinës. Ky teleskop është i llojit Meade. 

Qytetarët, por edhe studiuesit e gjithësisë do të mund të kryejnë vrojtime nga Observatori i Prishtinës. 

Fotografi dhe informacione të vendosura në muret e Observatorit të Prishtinës. 

Pamje e Prishtinës nga dritaret e Observatorit, që gjendet në qendër të kryeqytetit. 

Në vitin 2018, Klubi i Astronomëve të Kosovës mori nën menaxhim dhe si detyrë rihapjen e Observatorit të Prishtinës. 

Ndërtimi dhe origjina e kupolës vrojtuese është nga Shtetet e Bashkuara, përkatësisht nga Illinois.