Vazhdojnë dërgesat e ndihmave nga Kosova për Turqinë dhe Sirinë

Kryesia e shoqërisë kulturore artistike "Sharski Behar" ishte iniciatore e aksionit për mbledhjen e ndihmave për banorët e zonave të goditura nga tërmetet në Turqi dhe në Siri.

Pako ndihmash me produkte të ndryshme.

Një xhaketë fëmijësh e nisur në zonat e tërmeteve.

Gazetarët nga terreni kanë raportuar se xhamitë dhe kishat janë hapur për të strehuar të mbijetuarit e tërmeteve, mirëpo ka shumë prindër që po ecin nëpër rrugë për të ngrohur fëmijët e mbuluar vetëm me batanije.

Një sasi e barnave është nisur, po ashtu, në vendbanimet e goditura nga tërmetet.

Mjekët në veri të Sirisë i kanë thënë transmetuesit britanik BBC se sasitë e ilaçeve që kanë në dispozicion nuk janë të mjaftueshme as për 20 për qind të njerëzve që kanë nevojë për to.

Për mbledhjen e ndihmave në Prizren janë angazhuar pjesëtarë të shoqatave rinore si “Ruka Ruci”, “Empati” e “Tudeb”.

Pjesëtarët e kontingjentit turk të misionit të NATO-s në Kosovë (KFOR) duke organizuar transportimin e ndihmave. Përveç ndihmave, pjesëtarë të forcave ushtarake të shumë vendeve të botës janë nisur për në Turqi e Siri, që të ndihmojnë në operacionet e kërkim-shpëtimit.

Një ushtarak turk duke i shikuar ndihmat e grumbulluara.

Presidenti i Turqisë, Recep Tayyp Erdogan, e ka quajtur tërmetin “fatkeqësia e shekullit”.

Vullnetarët duke bartur ndihmat deri te kamionët.

Ndihmat e grumbulluara duke u dërguar te kamionët transportues.

Batanije dhe ndihma të tjera të grumbulluara për të prekurit nga tërmetet.

Tërmetet kanë shkatërruar lagje të tëra, duke i lënë të mbijetuarit vetëm me rroba të trupit.
 

Ngarkimi i kamionit me ndihma.

Qytetarëve u është bërë thirrje të mos grumbullojnë më ndihma humanitare, derisa ky kontingjent të arrijë në zonat e prekura nga tërmeti.

Një kamion i pjesëtarëve turq të KFOR-it, në Prizren, duke u nisur drejt Aeroportit Ndërkombëtar të Prishtinës "Adem Jashari".