Ministria e Shëndetësisë në Kosovë ka thënë të hënën, 24 janar, se masat e reja për luftim të pandemisë së koronavirusit janë marrë pas analizimit të situatës epidemiologjike dhe konsultimeve me profesionistë shëndetësorë.
Masat e reja janë miratuar nga Qeveria e Kosovës më 21 janar dhe kanë nisur të zbatohen një ditë më vonë.
Në njoftimin e Ministrisë është thënë se vendimi nuk u kërkon me domosdo qytetarëve dozën e tretë të vaksinës për të hyrë në Kosovë, pasi të vaksinuarve plotësisht u mjafton edhe një test negativ PCR, jo më i vjetër se 48 orë.
SHIKONI EDHE: Qeveria e Kosovës miraton masa të reja për luftim të pandemisëSipas njoftimit, shtetasit e Kosovës mund të hyjnë në Kosovë duke qenë të vaksinuar vetëm me dy doza, pa pasur nevojë të testit negativ PCR.
Nëse nuk i kanë dy doza, ata duhet t’i nënshtrohen karantinës për shtatë ditë, është thënë mes tjerash në njoftim.
Maqedonia e Veriut ka qenë një prej vendeve të para që u ka kërkuar autoriteteve të Kosovës të krijojnë lehtësira për hyrje në këtë shtet.
SHIKONI EDHE: Maqedonia e Veriut kërkon lehtësira për hyrje në KosovëSipas masave t reja, kufizimi i qarkullimit do të aplikohet nga ora 22:00 deri në orën 05:00.
Bizneset e gastronomisë mund të zhvillojnë aktivitetin e tyre nga ora 05:00 deri më 21:00.