Francezët nderojnë mësuesin e vrarë
Njerëzit u mblodhën në sheshin Republika të Parisit më 18 tetor. Njerëzit në mbarë Francën kanë bërë thirrje për lirinë e shprehjes dhe kanë nderuar mësuesin e historisë, që u vra, pasi shfaqi para nxënësve të tij karikaturat e Profetit Muhamed.
Mijëra njerëz u mblodhën në sheshin Republika të Parisit. Të pranishmit brohoritën “Jo totalitarizmit të mendimit” dhe “Unë jam mësues”, për të përkujtuar mësuesin e vrarë, Samuel Paty.
Një grua ndez një qiri gjatë marshit në Paris më 18 tetor.
Njerëzit u mblodhën në Pallatin e Republikës në Paris, për të nderuar mësuesin e vrarë Samuel Paty. Kjo grua mban një shënim ku shkruan : “Unë jam mësuesi”.
Një burrë mban në duar flamurin e Francës në të cilën shkruan “Liria e shprehjes”.
“Unë jam Samueli” është mbishkrimi që njëri prej pjesëmarrësve mban në duar në marshin e organizuar në Paris më 18 tetor.
Në marshin për Samuel Paty mori pjesë kryeministri i Francës, Jean Catex (majtas), kryetarja e Parisit, Anne Hidalgo (në qendër) dhe zëvendëskryetarja e Parisit, Audery Pulvar (djathtas).
Për të kujtuar Samuel Patyn, tubime u organizuan edhe në Tuluz më 18 shtator.
“Unë jam Samueli” shkruhet në maskën e kësaj gruaje që mori pjesë në marshin në Tuluz.
Në Montepelier, po ashtu shumë persona dola në rrugë për të dënuar vrasjen e mësuesit dhe për të kujtuar jetën e tij.
“Luftëtari i lirisë” është përshkrimi i fotografisë së Samuel Patyt, teksa njerëzit u mblodhën në Strasburg të Francës më 18 tetor.
“Liri, e shkrova emrin tënd me gjak”, thuhet në pankartën e një protestuesi në Strasburg.
Homazhe për Samuel Patyn bën edhe qytetarët e Bordosë.
“Unë jam mësuesi” është mbishkrimi që mban një person gjatë tubimit në Bordo.
Kryetarja e qytetit të Marsejit, Michele Rubirola përshëndet njerëzit të cilët u mblodhën në këtë qytet më 18 tetor, për të kujtuar mësuesin e vrarë, Samuel Paty.
“Mos ma prek mësuesin tim” është pankarta që disa persona mbajnë në Lyon të Francës.
Në Lil të Francës, qytetarët kanë vendosur lule pranë fotografisë së Samuel Patyt.