Fotogaleri

'Marshi i Lirisë' në Hungari, thirrje për reforma arsimore dhe ndryshime politike

Protestuesit mbajnë një flamur të madh hungarez derisa marrin pjesë në një demonstratë antiqeveritare në Budapest më 15 mars.

Organizuar nga sindikatat e mësimdhënësve dhe grupet studentore, marshimi paqësor "Marshi i lirisë" bëri thirrje për reforma arsimore dhe një ndryshim drejtimi për të ardhmen politike të Hungarisë.

Protesta e 15 marsit u zhvillua në ditën e një feste kombëtare që përkujton 175-vjetorin e rebelimit të pasukseshëm të Hungarisë më 1848 kundër sundimit të Habsburgëve.

 

Sindikatat e mësuesve dhe grupet studentore kanë shpenzuar disa muaj duke i dhënë shtytje Qeverisë së Hungarisë që të sigurojë rritje pagash dhe kushte më të mira pune për arsimtarët.

Marshuesit brohorisnin slogane të tilla si "Pa mësues, pa të ardhme" dhe "Greva është një e drejtë themelore". Grupet kanë kërkuar edhe shfuqizimin e legjislacionit që kufizon të drejtën e mësuesve për grevë.
 

Një burrë i moshuar (majtas) përpiqet të pengojë një demonstrues që të protestojë me një pankartë.

Vajzat tregohen kreative me pikturimin e fytyrave të tyre ndërsa marrin pjesë në demonstratë.

Një grua e re duke mbajtur një pishtar gjatë marshimit.

Të tjera protestuese thërrisnin parulla kundër Qeverisë së djathtë të drejtuar nga kryeministri Viktor Orban.

Bastioni i Peshkatarit në Kështjellën e Budës është ndriçuar me ngjyrat kombëtare të Hungarisë për të përkujtuar 175-vjetorin e shpërthimit të revolucionit të vitit 1848 dhe luftës së pavarësisë kundër sundimit të Habsburgëve në Budapest.