Izraeli, deri në mes të shekullit, do t’i zvogëlojë emetimet e karbonit për 85% nga nivelet e vitit 2015, tha Qeveria e tij.
Kryeministri Naftali Bennett tha se vendimi do ta ndihmojë vendin që gradualisht të zhvendoset në një ekonomi me nivele të ulëta të karbonit.
Synimet përfshijnë zvogëlimin e shumicës dërrmuese të emetimeve nga transporti, sektori i energjisë elektrike dhe mbetjet komunale.
Bota tashmë është ngrohur për rreth 1.2 gradë Celsius që nga fillimi i epokës industriale dhe temperaturat pritet të vazhdojnë të rriten, nëse qeveritë nuk bëjnë zvogëlime të mëdha të shkarkimeve të gazrave, që thuhet se i kontribuojnë ngrohjes globale.
Lexoni edhe këtë: Bota nuk është e përgatitur për mot ekstremBennett tha se plani i tij do të çojë në “ekonomi të pastër, efikase dhe konkurruese” dhe se do ta vendosë Izraelin në ballë të betejës kundër ndryshimeve klimatike.
Synimet e Izraelit janë në përputhje me Marrëveshjen e Parisit për Klimën - një traktat ndërkombëtar për luftimin e ngrohjes globale, ligjërisht i detyrueshëm, i miratuar nga gati 200 vende.
Traktati synon ta mbajë ngrohjen globale nën 2 gradë Celsius.