Në Kosovë, të enjten u regjistruan dy viktima dhe 195 raste të reja me koronavirus, bëri të ditur Ministria e Shëndetësisë. Viktimat jnaë nga Komuna e Prizrenit dhe Suharekës.
Rastet e reja me COVID-19 dalin pas testimit të 3.730 mostrave.
Sipas të dhënave, numri më i madh i rasteve të reja i përket grupmoshës 20-29 vjeç, përkatësisht 56 raste. Ndërkaq, nga mosha 0 deri 19 vjeç janë regjistruar 23 raste me koronavirus.
Gabim në server
Ka një problem në server. Ekipi ynë po merret me të. Ju kërkojmë ndjesë!
Ju lutemi përdoreni opsionin e kërkimit për të parë nëse gjendet diku tjetër në web
Gjatë 24 orëve paraprake janë shëruar 16 pacientë, ndërkaq raste aktive janë 1.065.
Që prej 13 marsit të vitit 2020 deri më 5 gusht 2021, në Kosovë janë regjistruar 109.039 raste me COVID-19, 2.270 të vdekur dhe 105.704 pacientë të shëruar.
Ndërkaq, sa i përket testimeve, që prej fundit të marsit deri më 5 gusht, në Kosovë janë administruar 469.857 doza. Prej kësaj shifre, 305.567 persona janë vaksinuar me një dozë, ndërkaq me dy dozat e vaksinës janë vaksinuar 164.290 persona.