Qeveria e Kosovës ka miratuar kërkesën e ministrit të Shëndetësisë, Armend Zemaj, që të ketë kufizime të reja në luftën kudër Covid-19, sëmundjes që shkaktohet nga koronvirusi i ri.
Me vendim e miratuar, manuali i Ministrisë së Shëndetësisë për mbrojtjen nga përhapja e Covid-19, është bërë obligativ.
Ministri i Shëndetësisë, Armend Zemaj, ka thënë se ky vendim vjen pas rritjes së numrit të rasteve me Covid-19 dhe pas rekomandimeve të Institutit Kombëtar të Shëndetësisë Publike të Kosovës (IKSHPK).
“Me qëllim të parandalimit të përhapjes së Covid-19, IKSHPK na ka rekomanduar si Ministri të Shëndetësisë, dhe pas takimit me Komitetin për menaxhimin e pandemisë, kërkoj që të përkrahni vendimin e Ministrisë që konsiston që institucionet publike dhe private obligohen të organizojnë punën me stafin e tyre në distancë fizike, apo nga shtëpitë e tyre (në mënyrë) online, në funksion të kryerjes së detyrave dhe përgjegjësive bazuar në legjislacionin në fuqi, që nënkupton reduktimin e stafit. Të gjitha institucionet publike dhe private obligohen të shtojnë kontrollet të bartjes së maskave në hyrje të çdo institucioni”, ka thënë Zemaj.
SHIKONI EDHE: Klinikës Infektive po i rrezikohen kapacitetet për të sëmurët me Covid-19Gjithashtu, ministri Zemaj ka shtuar se të gjitha institucionet obligohen që t’i përmbahen manualit të Ministrisë dhe Inspektoratet përkatëse të mbikëqyrin respektimin e këtij vendimi.
Your browser doesn’t support HTML5
Qytetarët nuk dëgjojnë thirrjen #VendoseMaskën
Ai ka shtuar se qëllimi i këtij vendimi është përmirësimi i situatës në terren, për të vazhduar me planin e ri për masat lehtësuese.
Në ditët e fundit, në Kosovë është shënuar rritje e rasteve të reja me koronavirus. Më 16 qershor, IKSHPK-ja njoftoi për 141 raste të reja me këtë virus.
SHIKONI EDHE: IKSHPK shpreh shqetësim për rritjen e numrit të rasteve me Covid-19Sipas të dhënave të fundit, në Kosovë janë regjistruar 1,756 raste me koronavirus.
Prej tyre, 968 janë shëruar, derisa 34 pacientë tjerë kanë vdekur.