Kongresi amerikan ka miratuar paketën e investimeve në vlerë të 1 trilion dollarëve, çka shënon fitore të madhe të brendshme për presidentin amerikan, Joe Biden.
Negociatat për projektligjin, që është miratuar në Dhomën e Përfaqësuesve, kanë krijuar ndasi të konsiderueshme në mesin e demokratëve.
Ndërkohë, Dhoma e Përfaqësuesve është duke dërguar përpara një tjetër projektligj ambicioz për shpenzime, të favorizuar nga ligjvënësit liberalë.
Paketa për investime në infrastrukturë tani pret miratimin e Bidenit për t’u shndërruar në ligj.
I konsideruar si dokument që miratohet në herë në gjeneratë, projektligji propozon 550 miliardë dollarë për investime të reja në tetë vjetët e ardhshëm në përmirësim të autostradave, rrugëve dhe urave të reja, si dhe për të modernizuar sistemet për transit nëpër qytete dhe rrjetin e hekurudhave.
Autostradë në Nju Jork.
Në projektligj përfshihen edhe fonde për ujë të pastër për pije, shpejtësi më të madhe të internetit dhe pika për mbushje të makinave elektrike.
Ky konsiderohet investimi më i madh federal ndër vite për infrastrukturë të shtetit.
“Sonte, ne kemi bërë hap të madh përpara si komb”, ka thënë Biden përmes një deklarate.
“Gjeneratat e së ardhmes do të kthehen mbrapa dhe do ta kuptojnë se kur Amerika e ka fituar garën ekonomike për shekullin XXI”.
SHIKONI EDHE: Biden shpalos plane masive për të ardhmen e AmerikësProjektligji do të financohet në disa mënyra, përfshirë fondet e pashpenzuara për pandemi të koronavirusit.
Tre muaj më parë, 19 republikanë u janë bashkuar demokratëve që të miratojnë këtë dokument në Senat, duke shënuar një bashkim të rrallë mes partive, në Kongresin gjithnjë e më të ndarë.
Të premten, më 6 nëntor, projektligji është miratuar në Dhomën e Përfaqësuesve me mbështetje të 13 republikanëve, po ashtu.
Partia Demokratike ka pasur vështirësi për t’u bashkuar për këtë dokument, pasi disa demokratë e kanë konsideruar shumë të shtrenjtë dhe të tjetër kanë menduar ndryshe.
Miratimi i planit ka ardhur disa ditë pasi demokratët kanë shënuar humbje në disa zgjedhje shtetërore, duke rritur shqetësimet se mund ta humbin kontrollin e Kongresit në zgjedhjet që mbahen për këtë institucion vitin e ardhshëm.