Fotografi i Radios Evropa e Lirë, Serhii Nuzhnenko, shoqëroi një njësi ukrainase gjatë një sulmi ndaj pozicioneve ruse pranë Bahmutit në maj, me ç'rast u vra një ushtar. Tre muaj më vonë, ai ndan fotografitë dhe kujtimet e familjes së ushtarit të rënë Ivan Minuhaliyev.
Kujtimi për ushtarin: Jeta dhe vdekja në fushëbetejë e Ivan Minuhaliyevit
Kjo foto, e shkrepur pranë Bahmutit në Ukrainën lindore, tregon ushtarët duke larguar trupin e Ivan Minuhaliyev nga fusha e betejës më 11 maj.
Minuhaliyevi u fotografua dy javë para se të vdiste.
Ushtari 36-vjeçar ukrainas po merrte pjesë në një sulm ndaj pozicioneve ruse më 11 maj, kur u godit për vdekje nga një copë predhe.
Fotografi i Radios Evropa e Lirë, Serhii Nuzhnenko, ishte në një pozicion afër Minuhaliyevit kur u godit. Ai fotografoi largimin e ushtarit nga fusha e betejës dhe më vonë vizitoi varrin e Minuhaliyevit në qytetin e tij të lindjes, Irpin.
Minuhaliyevi 6 vjeç.
Nuzhnenko ka komunikuar edhe me të afërmit e tij, të cilët kanë ndarë pamjet e mëposhtme nga jeta e ushtarit të rënë dhe kanë pranuar që Radios Evropa e Lirë t'i publikojë ato këtu.
"Ivan ishte një person i bukur, me një zemër të sinqertë dhe një shpirt të mirë", thanë të afërmit e tij. "Ai ishte i dashur, i gëzuar, ai gjithmonë ndihmonte në punët e shtëpisë. Atij i pëlqente të gatuante dhe e bënte atë në mënyrë të shijshme, dhe i donte vërtet kafshët".
Minuhaliyevi duke marrë pjesë në një festë të paspecifikuar ditëlindjeje.
Në një postim në Facebook, një i afërm kujtoi: "Ivani ishte një njeri i lumtur dhe i mirë. Sa do të doja që ai të kishte mbetur kushëriri im më i vogël, i gjallë dhe i gëzuar".
Në vitin 2005, Minuhaliyevi nënshkroi një kontratë me Shërbimin e Sigurisë së Ukrainës (SBU). Ai thuhet se u kthye në jetën civile në vitin 2012 dhe punoi në industrinë e mobiljeve përpara se t'i bashkohej ushtrisë pas pushtimit të plotë të Ukrainës nga Rusia në vitin 2022.
Ushtari la pas një vajzë 13-vjeçare, të quajtur Yelizaveta (vajza që shihet në këtë foto).
Një ushtar i paidentifikuar me një celular para sulmit të 11 majit.
Në errësirën para agimit të 11 majit, ndërsa ushtarët përgatiteshin për sulmin që do të vriste Minuhaliyevin, fotografi Nuzhnenko tha se nuk e vuri re ushtarin.
Një ushtar ukrainas gjatë sulmit të 11 majit.
Nuzhnenko thotë se Minuhaliyevi ishte rreth 300 metra larg pozicionit të tij kur u godit nga predha.
Një fotografi nga arkivi e vitit 2022 e një varreze në Irpin.
"Unë nuk e njihja Ivanin", tha Nuzhnenko, "por në përgjithësi, ishte e trishtueshme, siç është çdo vdekje që sjell [pushtimi rus]".