Java nëpërmjet fotografive

Një regjistruese nga Agjencia e Statistikave e Kosovës duke i bërë pyetje një burri në shtëpinë e tij, në Prishtinë, më 5 prill, në ditën e parë të procesit të regjistrimit të përgjithshëm të popullisë.

Ushtarë ukrainas duke vendosur flamurin kombëtar në arkivolin e një bashkëluftëtari të rënë, gjatë një ceremonie në Sheshin e Pavarësisë, në Kiev, më 5 prill.

Besimtarë myslimanë duke falur namazin e së premtes, gjatë muajit të shenjtë islamik të Ramazanit, në xhaminë Data Darbar, në Lahore, Pakistan, më 5 prill.

Njerëz duke ecur në përvjetorin e fillimit të rrethimit të Sarajevës, pranë këpucëve që simbolizonin qytetarët e vrarë, më 5 prill.

Punonjës duke punuar në një fabrikë për prodhimin e byzylykëve prej qelqi, në Hiderabad, Pakistan, më 4 prill.

Banorë vendës duke u strehuar gjatë një sulmi rus me dronë në një lagje banimi, në Harkiv, Ukrainë, më 4 prill.

Një automjet zjarrfikësish duke u djegur pas sulmeve të vazhdueshme ruse me dronë në një lagje banimi në Harkiv, Ukrainë, më 4 prill.

Vajza afgane duke marrë pjesë në ceremoninë e diplomimit të tyre, pas përfundimit të një kursi për memorizimin e Kuranit, në Kabul, më 2 prill. Pas vendimit të talibanëve për t'i mbyllur shkollat për vajzat mbi klasën e gjashtë, shumë prej tyre janë regjistruar në shkolla fetare dhe kurse edukative, teksa sistemi i Ministrisë së Arsimit tani numëron rreth 14.000 institucione të tilla.

Daria, një vajzë 8-vjeçare rumune e cila vuan nga autizmi, e shoqëruar nga nëna e saj Mihaela (nuk duket në fotografi), shihet duke reaguar pasi iu pikturua fytyra nga një vullnetare gjatë Festivalit Blu, një ngjarje e dedikuar Ditës Botërore të Autizmit, në Bukuresht, më 2 prill.

Një djalë duke pritur për të ngrënë iftar gjatë muajit të shenjtë islamik të Ramazanit, në një rrugë të frekuentuar në Karaçi, Pakistan, më 2 prill.

Afganë duke pritur për të marrë ushqim falas nga një organizatë bamirëse vendëse, gjatë muajit të shenjtë islamik të Ramazanit, në Kandahar, më 2 prill.

Një burrë duke ecur pranë një shporte të stërmbushur me mbeturina, pranë rrokaqiejve në Distriktin Ndërkombëtar të Biznesit, i njohur edhe si Moskva-City, në Moskë, më 2 prill.

Një burrë, me një fotografi të udhëheqësit suprem iranian, Ali Khamenei, mbi ballin e tij, duke marrë pjesë në një demonstratë kundër Izraelit, në Sheshin e Palestinës, në Teheran, më 1 prill.

Myslimanë shi'itë pakistanezë duke marrë pjesë në një ceremoni për të kremtuar martirizimin e Imam Aliut, kalifit të katërt të islamit, në Lahore, më 1 prill.

Oleksandr Turovskiy, i biri 35-vjeçar i të cilit, Svyatoslavi, ishte në mesin e tetë burrave të ekzekutuar në një tokë të pashfrytëzueshme në Buça, në periferi të Kievit, në marsin e 2022-tës, duke vizituar varrin e djalit të tij, më 30 mars.

Një çift duke u puthur teksa po ecte pranë thasëve me rërë që mbronin dritaret e Pallatit të Kreativitetit të Fëmijëve, në Kiev, më 1 prill.

Një ushtar ukrainas nga një njësit mobil i mbrojtjes ajrore kundër dronëve duke shtënë me një mitraloz nga pozicioni i tij, në rajonin e Çernhivit, në Ukrainë, më 28 mars.

Gra duke marrë pjesë në një funeral të mbajtur në Teheran, më 5 prill, për shtatë pjesëtarë të Gardës Revolucionare të Iranit, të vrarë nga një sulm në Siri, për të cilin Irani fajësoi Izraelin.