Vdekjet nga COVID-19 mund të jenë dyfish më të larta

Në Indi niveli i infektimeve dhe vdekjeve ka vazhduar të shënojë rekord, teksa autoritetet kanë nisur të aplikojnë masën e izolimit; kancelarja gjermane, Angela Merkel tha se ajo është kundër që kompanitë farmaceutike të heqin dorë nga pronësia intelektuale për vaksinat COVID-19 për shkaqe të sigurisë, teksa kreu i OBSH-së tha se shtetet e industrializuara duhet të bëjnë më shumë për të parandaluar padrejtësinë sa i përket shpërndarjes së vaksinave në botë; një studim i ri i Universitetit të Uashingtonit për Shëndetësi, sugjeron se vdekjet në nivel botëror nga COVID-19 mund të jenë dyfish më shumë sesa shifrat e raportuara.