Radio Evropa e Lirë bëri një përzgjedhje fotografish që shënuan javën e 19-të të vitit 2024 në rajonet ku ajo transmeton program. (Përgatiti: Syzanë Paçarizi)
Fotografitë e javës
Policia gjeorgjiane ndaloi një demonstrues pranë ndërtesës së Parlamentit në Tbilisi gjatë një prej protestave të opozitës kundër projektligjit të diskutueshëm për "agjentët e huaj".
Studentët pakistanezë duke protestuar jashtë Ambasadës së Kirgistanit në Islamabad pasi turma të dhunshme në kryeqytetin kirgiz , Bishkek, shënjestruan studentë të huaj, shumë prej tyre nga Pakistani.
Performanca e artistëve nëpër rrugët e kryeqytetit të Maqedonisë së Veriut, Shkupit, si statuja të gjalla, në kuadër të festivalit “STATUAFEST”.
Një grua duke luajtur me qenin e saj në një plazh në Gjirin e Finlandës një perëndim dielli, në Shën Petersburg, Rusi.
Një fermer pakistanez bart tufa me grurë gjatë sezonit të korrjes në një fshat në periferi të Peshavarit.
Një grua duke u fotografuar përpara një porte të lashtë, ndërsa vizitonte rrënojat e Persepolisit të lashtë, i cili shërbeu si kryeqytet i Perandorisë Persiane Achaemenid (550-330 para erës së re) në Iranin jugor.
Ushtarët spanjollë, gjermanë dhe holandezë shihen pranë helikopterëve ushtarakë në poligonin e qitjes Bogata në Rumani, si pjesë e stërvitjes ushtarake Swift Response 24.
Një rosë duke notuar në një pellg në një ditë të ngrohtë pranvere në Shën Petersburg, Rusi.
Lulëzimi i lulekuqeve në një livadh pranë Bishkekut, Kirgistan.
Një grua duke përdorur telefonin e saj ndërsa kalon pranë një muraleje që përshkruan anëtarët e lëvizjes rinore patriotike të Rusisë, Yunarmia, (Ushtria e Re) në Moskë.
Sekretari amerikan i Shtetit, Antony Blinken (djathtas) interpreton këngën "Rockin' In The Free World" të Neil Young në një bar në Kiev, derisa ishte për një vizitë të paparalajmëruar në kryeqytetin ukrainas.
Një djalë i ri lëshon balonën e tij ndërsa gratë e veshura me kostume tradicionale rumune ecin gjatë një ngjarjeje për festimin e veshjeve kombëtare rurale të vendit në Bukuresht.
Një vajzë e re, e cila humbi katër anëtarë të familjes së saj në një përmbytje në veri të Afganistanit, qëndron te varri i vëllait të saj pranë fshatit Sherjalal.
Protestuesit në kryeqytetin e Gjeorgjisë, Tbilisi, u mblodhën kundër ligjit të diskutueshëm për "agjentët e huaj", i cili u miratua nga Parlamenti këtë javë.
Një oficer policie ukrainas ndihmon Viktorin, një 84-vjeçar me aftësi të kufizuara, gjatë evakuimeve nga qyteti Vovçansk në rajonin e Harkivit.
Policia në kryeqytetin e Armenisë arreston një demonstrues, i cili u përpoq të bllokonte një rrugë në një protestë kundër një marrëveshjeje të diskutueshme kufitare midis Jerevanit dhe Azerbajxhanit fqinj.