Fotografitë e javës
Ceremonia e diplomimit të gjeneratës së 60-të të Policisë së Kosovës, duke iu shtuar 448 pjesëtarë të rinj në 25-vjetorin e themelimit të këtij institucioni.
Xhudistja kosovare, Laura Fazliu, duke iu gëzuar triumfit që i solli medaljen e bronztë në Lojërat Olimpike Parisi 2024, më 30 korrik.
Dy fëmijë duke luajtur me balona. Rreth 50 fëmijë të komuniteteve rom, ashkali dhe egjiptian gjetën argëtim në një kamp veror në Parkun e Taukbahçes në Prishtinë.
Organizata “The Ideas Partnership (TIP)” thotë se kampi synon t’u sjellë argëtim dhe mundësi integrimi këtyre fëmijëve “të cilëve u mohohet një fëmijëri e lumtur” për shkak të kushteve të vështira socio-ekonomike dhe diskriminimit në shoqëri.
Zjarrfikësit duke lokalizuar flakët në zonën turistike të Shëngjinit në Shqipëri.
Vatra zjarri janë regjistruar edhe në qytete të tjera të Shqipërisë. Për vënien nën kontroll të vatrave të zjarrit është nevojitur ndërhyrja e ushtrisë.
Disa djem afganë hidhen në një lumë për t'u freskuar në periferi të provincës Kandahar.
Reagimi i Nadezhda Dubovitskayas të Kazakistanit gjatë garës kualifikuese kërcim së larti në Lojërat Olimpike të Parisit.
Vendasit në mënyrë vullnetare ndihmojnë për të vënë nën kontroll një zjarr afër Shën Nikollës, në Maqedoninë e Veriut, e cila po përballet me zjarret që kanë dalë jashtë kontrollit nëpër pyje në të gjithë vendin.
Presidenti i SHBA-së, Joe Biden, dhe zëvendëspresidentja Kamala Harris shikojnë gazetaren e Radios Evropa e Lirë, Alsu Kurmasheva, një ish e burgosur e mbajtur nga Rusia, derisa përqafon familjen e saj pas mbërritjes në bazën e përbashkët Andrews në Maryland më 1 gusht.
Kurmasheva, një nënë 47-vjeçare e dy fëmijëve, u arrestua në Kazan në tetor 2023 dhe u akuzua fillimisht për mosregjistrim si "agjente e huaj" sipas një ligji ndëshkues rus që synon gazetarët, aktivistët e shoqërisë civile dhe të tjerë. Ajo u akuzua më pas për përhapjen e gënjeshtrave në lidhje me ushtrinë ruse dhe u dënua me 6 vjet e gjysmë burgim.
Një helikopter zjarrfikës fluturon mbi një varrezë pranë një zone të prekur nga zjarret në Maqedoninë e Veriut.
Ura e Vjetër e Mostarit është ndriçuar me flakë gjatë edicionit të 458-të të garës tradicionale të zhytjes në Mostar, Bosnje e Hercegovinë.
Marica Perishiq e Serbisë reagon pas humbjes nga Haruka Funakubo e Japonisë në meçin e kategorisë nën 57 kilogramë të Lojërave Olimpike Verore në Champ-de-Mars Arena në Paris më 29 korrik.
Një djalë afgan ulet në karrocën e tij me akullore ndërsa pret klientët përgjatë një rruge në Herat.
Kyrylo Boliukh dhe Oleksiy Sereda nga Ukraina duke garuar në finale në zhytje të sinkronizuar 10 metra në Qendrën Ujore në Saint-Denis, Francë, si pjesë e Lojërave Olimpike Verore 2024.
Mbështetësit e bllokut politik Fitorja marrin pjesë në një protestë para Parlamentit në Kishinau. Mbështetësit protestuan kundër Qeverisë së Partisë së Veprimit dhe Solidaritetit, duke akuzuar autoritetet moldave për presion politik ndaj opozitës dhe shkelje të Kushtetutës së Moldavisë.
Banorja vendase Tetyana, 72 vjeç, ushqen një mace para një ndërtese banimi që po digjet pas granatimeve në qytetin Toretsk, në rajonin e Donjeckut të Ukrainës. Ajo çdo ditë, duke rrezikuar jetën, shpërndan ushqim për kafshët e mbetura në qytet pa pronarë.
Një ushtar i Brigadës së 15-të të Gardës Kombëtare të Ukrainës bart një dron zbulues Leleka në një fushë me grurë pranë vijës së frontit në rajonin e Zaporizhjas në Ukrainë.
Një shitës afgan ngarkon pjepra në bagazhin e makinës së tij për t'i shitur në një treg në Kandahar.