Një javë nëpër fotografi

Një grua duke ecur mes një ekspozimi të flamujve të shtetit rus të vendosur në një shesh në qendër të Moskës më 24 shkurt, në përvjetorin e tretë të pushtimit të plotë të Ukrainës nga Rusia.

Një djalë afgan duke luajtur me një balonë në provincën Badakhshan.

Presidenti i SHBA-së, Donald Trump (majtas) dhe presidenti ukrainas, Volodymyr Zelensky, gjatë takimit të tyre të tensionuar në Shtëpinë e Bardhë më 28 shkurt.

Mohamed Nabi i Afganistanit goditet nga topi gjatë një ndeshjeje ndërkombëtare njëditore të kriketit kundër Anglisë në Lahore, Pakistan.

Zjarrfikësit ukrainas përpiqen ta shuajnë një zjarr të madh në një objekt industrial pas një sulmi rus me dron në rajonin e Kievit.

Turma mban mban arkivolin e Hamid ul Haq Haqqani, një politikani dhe kleriku pakistanez i cili u vra në një sulm vetëvrasës vdekjeprurës me bombë në provincën Khyber Pakhtunkhva, më 28 shkurt.

Një çift duke vrapuar përgjatë rrugës përballë Universitetit Shtetëror të Moskës në kryeqytetin rus.

Influencuesi kontrovers, Andrew Tate, duke folur për mediat pasi mbërriti në Florida nga Rumania, meqë prokurorët atje hoqën ndalesën e udhëtimit në lidhje me akuzat penale kundër tij dhe të vëllait, Tristan.

Milorad Dodik, kreu i entitetit të udhëhequr nga serbët e Bosnjë dhe Hercegovinës, Republika Sërpska, u drejtohet mbështetësve të tij në Banja Llukë pasi një gjykatë në Sarajevë e dënoi atë me një vit burgim për kundërshtimin e urdhrave të përfaqësuesit të Lartë, Christian Schmidt.

Zjarrfikësit ukrainas duke shuar zjarrin në një vend të sulmuar nga dronët rus në rajonin e Kievit.

Një grua duke ecur pranë murit të Manastirit të Shën Iveronit në rajonin e Donjeckut të okupuar nga Rusia në Ukrainë. Muri shihet i dëmtuar rëndë nga zjarri i artilerisë dhe armëve.

Vajzat nomade afgane Kochi shtyjnë karrocat me rrota teksa bartin enë me ujë, përgjatë një rruge në lagjen Daman të provincës Kandahar.

Ushtarët polakë të vendosur për të ruajtur kufirin e vendit të tyre me Bjellorusinë përshëndesin ministrin e mbrojtjes të Polonisë, Wladysław Kasiniak-Kamys, i cili i vizitoi ata më 26 shkurt.

Një grua ukrainase duke qarë pranë memorialit për ushtarët e rënë të vendit të saj në Sheshin e Pavarësisë në Kiev, më 24 shkurt.

Banorët vendas marrin pjesë në një ceremoni përkujtimore nën një urë të shkatërruar në Irpin, në veriperëndim të Kievit, në përvjetorin e pushtimit të plotë të Ukrainës nga Rusia më 24 shkurt.

Ushtarët ukrainas dhe të tjerë duke bërë homazhe pranë memorialit të një  varreze masive më 24 shkurt në Buça, duke përkujtuar ata që vdiqën në  masakrën ruse në qytetin veriperëndimor të Kievit tre vjet më parë.

Në rajonin e Donjeckut të okupuar nga Rusia në Ukrainë, figurat që përshkruajnë presidentin francez, Emmanuel Macron, ish-kryeministrin britanik, Boris Johnson, dhe presidenten e Komisionit Evropian, Ursula von der Leyen, digjen gjatë festës pagane Maslenitsa që shënon fundin e dimrit.

Protestuesit ndezin zjarre në qytetin Svrljig mes demonstratave të vazhdueshme në të gjithë Serbinë, pas shembjes vdekjeprurëse të një strehe stacioni hekurudhor në Novi Sad, në fund të vitit të kaluar.

Një djalë ulet mbi një tank të dëmtuar rus të ekspozuar në qendër të Kievit më 2 mars.

Njerëzit qëndrojnë në gjunjë gjatë funeralit në Katedralen e Shën Michael në Kiev më 2 mars, ndërsa ushtarët mbajnë portretin e ushtarit vullnetar Volodymyr Rakov, 30 vjeç, një balerin dhe koreograf i njohur, i cili u vra gjatë luftimeve me forcat ruse.

Një fëmijë mbështetet te një grua përpara se të performojë në shfaqje në Muzeun e Fshatit në Bukuresht, Rumani, të dielën, 2 mars 2025, duke shënuar fillimin e Kreshmës së Madhe, 40 ditë para Pashkëve Ortodokse

Një spektator i veshur me kostum dhie gjatë festimeve Maslenitsa në parkun Nikola-Lenivets në rajonin Kaluga të Rusisë më 1 mars.