Fotografitë e javës

Një burrë duke qarkulluar në një rrugë në Obiliq ndërsa pranë shihen tymtarët e termocentralit Kosova A  që lirojnë gazrat duke ndotur ajrin. Sipas Organizatës Botërore të Shëndetësisë (OBSH), ndotja e ajrit nga industria dhe ndotja e ajrit në shtëpi janë shqetësime të mëdha shëndetësore në Kosovë.  

Një fishekzjarr shpërthen gjatë përleshjeve mes policisë dhe protestuesve të opozitës në kryeqytetin e Gjeorgjisë, Tbilisi.

Njerëzit shikojnë dritat dekorative për Krishtlindje përpara Pallatit Kombëtar të Kulturës në Sofje, Bullgari.

Zjarrfikësit përpiqen të shuajnë zjarrin që shpërtheu në ndërtesën tregtare "Rimpa Plaza" në Karaçi, Pakistan, më 3 dhjetor.

Njerëzit me duart e lyera me ngjyrë të kuqe, që simbolizon gjakun, lënë gjurmë në trotuare gjatë një proteste për shembjen e një strehe betoni në stacionin hekurudhor në qytetin serb të Novi Sadit, me ç'rast vdiqën 15 njerëz muajin e kaluar.

Statuja e Gjergj Kastriotit - Skënderbeut -- udhëheqës shqiptar i shekullit XV që luftoi kundër Perandorisë Osmane -- e vendosur së fundmi në qytetin malazez të Tuzit.

Një protestues pro Bashkimit Evropian mban një maskë gazi në demonstratat antiqeveritare në Tbilisi, Gjeorgji.

Njerëzit përpiqen të shuajnë zjarret pas një sulmi ajror që shënjestroi qytetin verior të Idlibit të kontrolluar nga rebelët e Sirisë më 2 dhjetor. Që kur Rusia ndërhyri në luftën civile në Siri, sulmet e saj ajrore kanë luajtur një rol vendimtar në mbështetjen e presidentit sirian, Bashar al-Assad .

Një grua mban një portret dhe uniformën ushtarake të djalit të saj gjatë një ngjarjeje përkujtimore të ushtarëve të rënë ukrainas në qendër të Harkivit, më 6 dhjetor. 

Studentet afganë të mjekësisë ndjekin provimet e tyre përfundimtare në një kolegj në Kabul. Qeveria talibane në Afganistan ka shpallur ndalimin e regjistrimit të grave në institucionet mjekësore, duke ndaluar ndjekjen e tyre në kurse të tilla si mami, infermieri, proteza dentare dhe studime laboratorike, ndërsa ua ka lejuar studenteve t'u nënshtrohen provimeve përfundimtare.

Njerëzit duke brohoritur slogane dhe duke valëvitur flamujt rumunë dhe të BE-së gjatë një tubimi proevropian përpara balotazhit presidencial në qendër të Bukureshtit, i cili përfundimisht u anulua me një vendim të Gjykatës Kushtetuese. 

Dy iranianë ulur në një park ndërsa smogu fsheh horizontin në Teheran.

Punëtorët duke stolisur një pemë Krishtlindjeje në Katedralen e Shën Sofisë në kryeqytetin ukrainas, Kiev.

Kadetët ushtarakë duke u fotografuar në Muzeun Shtetëror Hermitage në Shën Petersburg.

Një afgan duke shitur balona përgjatë një rruge në periferi të Mazar-e-Sharifit.

Të rinj pakistanezë duke u stërvitur në një park të mbuluar nga mjegulla dhe ndotja e ajrit në Lahore.

Një djalë afgan ecën nëpër një urë këmbësorësh gjatë reshjeve të para të borës në distriktin Dara të provincës Panjshir të Afganistanit.