Operatori kombëtar i hekurudhave të Finlandës, VR Group tha se do të rinisë shërbimet e transportimit të mallrave midis Helsinkit dhe Shën Petersburgut të Rusisë, por shërbimet e pasagjerëve do të mbesin të suspenduara.
Ky operator kishte pezulluar shërbimet pasi Mbretëria e Bashkuar kishte vendosur sanksione ndaj hekurudhës së Rusisë. Megjithatë, sipas deklaratës së VR Group më pas u kuptua se sanksionet nuk prekin kontratat që ky grup ka me Rusinë.
Shërbimet e pasagjerëve midis dy shteteve, që u pezulluan të hënën, do të vazhdojnë të jenë të mbyllura, u tha në deklaratë.
Shtetet perëndimore kanë vendosur sanksione të ashpra ndaj Moskës, pasi ajo nisi pushtimin e paprovokuar të Ukrainës më 24 shkurt.
- Për t’u informuar rreth zhvillimeve më të fundit lidhur me Ukrainën, ndiqeni blogun tonë.