Ekipi kombëtar i burrave i Spanjës e dënoi të hënën “sjelljen e papranueshme” të shefit të pezulluar të futbollit spanjoll, Luis Rubiales, për shkak të puthjes famëkeqe në Kupën e Botës.
Rubiales, 46 vjeç, çuditërisht nuk ka pranuar të japë dorëheqje si president i Federatës së Futbollit të Spanjës (FFS), pasi e puthi me forcë në buzë futbollisten Jenni Hermoso, gjatë prezantimit të trofeut të Kupës së Botës së grave, të cilën Spanja e fitoi muajin e kaluar.
Sulmuesi i Atletico Madridit, Alvaro Mortata, e lexoi deklaratën në emër të gjithë ekipit kombëtar, duke e uruar ekipin kombëtar të grave për arritjen historike.
SHIKONI EDHE: Nëna e shefit të futbollit spanjoll shtrohet në spital, tri ditë pasi hyri në grevëAi tha se ekipi i burrave “shpreh solidaritetin me futbollistet dhe shprehu keqardhje që suksesi i tyre u prish” nga Rubiales në ceremoninë e ndarjes së trofeut më 20 gusht në Australi.
Morata shtoi: “Ne duam ta dënojmë sjelljen e papranueshme të Rubailes, i cili nuk e ka vepruar sipas institucionit të cilin e përfaqëson”.
“Ne jemi fuqishëm në anën e vlerave të ruajtura në këtë sport. Futbolli spanjoll duhet të jetë burim i respektit, frymëzimit, gjithpërfshirjes, shumëllojshmërisë, dhe duhet të jetë shembull në sjellje brenda dhe jashtë fushës”, shtoi ai.
Hermosh i është bashkuar një greve të madhe të futbollisteve, duke thënë se ajo nuk ishte pajtuar për puthjen.
SHIKONI EDHE: Si rrodhi skandali i puthjes së Luis Rubiales në Kupën e Botës?Unioni i futbollisteve, Futpro, Hermoso dhe 80 futbolliste të tjera kanë thënë se nuk do të pranojnë të luajnë më për Spanjën “nëse federata vazhdon ta ketë udhëheqësin e njëjtë”.
Rubiales ka qëndruar i palëkundur në refuzimin e tij për të dhënë dorëheqje nga posti “për shkak të një puthjeje paksa konsensuale”.
Shtëpia botërore e futbollit, FIFA, e ka pezulluar Rubialesin për 90 ditë dhe ka nisur një hetim disiplinor rreth sjelljes së tij.
Rubiales është duke u hetuar edhe nga Gjykata Sportive e Spanjës.