Irani ka kritikuar thirrjet e Francës, Gjermanisë dhe Britanisë që Kombet e Bashkuara të hetojnë akuzat se Rusia ka përdorur dronë të prodhimit iranianë për të sulmuar Ukrainën.
Zëdhënësi i Ministrisë së Jashtme iraniane, Nasser Kanaani, tha se nisma e prezantuar më 21 tetor nga ky grup shtetesh, ishte një nismë “e rreme dhe pa bazë”, duke shtuar se “ne fuqishëm e refuzojmë dhe e dënojmë” këtë kërkesë.
Ukraina ka thënë se Rusia ka sulmuar infrastrukturën e saj duke përdorur dronët iranianë Shahed-136. Këta lloj dronësh fluturojnë drejt objektivit dhe shpërthejnë gjatë përplasjes me cakun.
SHIKONI EDHE:
SHBA-ja ka prova të pranisë së forcave iraniane në KrimeDronët kamikazë që terrorizojnë qytetet e UkrainësSi Irani, ashtu edhe Rusia, kanë mohuar këto akuza.
“Qeveria e Republikës Islamike të Iranit, në ndjekjen e saj për të mbrojtur interesat kombëtare dhe për të drejtat e popullit iranian, mban të drejtën për t’u përgjigjur ndaj çdo veprimi të papërgjegjshëm”, citohet të ketë thënë Kanaani.
“Irani nuk do të hezitojë që të mbrojë interesat e tij dhe të popullit iranian”, ka thënë ai, pa specifikuar se çfarë veprimesh mund të marrë Republika Islamike.
SHIKONI EDHE: SHBA: Dronët iranianë për Rusinë shkelin sanksionetNë një letër të dërguar nga përfaqësuesit e tyre në OKB – të cilën e ka parë Reuters – Franca, Gjermania dhe Britania kanë mbështetur thirrjen e Ukrainës që OKB-ja të hetojë përdorimin e dronëve iranianë në Ukrainë. Këto tri shtete kanë argumentuar se përdorimi i dronëve iranianë shkel rezolutën e Këshillit të Sigurimit të OKB-së.