Përballjet nga afër të Navalnyt si figurë kryesore opozitare në Rusi

Aleksei Navalny shihet në gjykatë në dhjetor të vitit 2011 pas arrestimit të tij gjatë një marshimi të paautorizuar kundër qeverisë në Moskë. Navalny u dënua me 15 ditë paraburgim për "rezistim ndaj oficerëve të zbatimit të ligjit". Ishte e para nga ato që më vonë do të bëheshin një ndodhi e zakonshme për figurën e opozitës.

Një shenjë që shprehte mbështetje për Navalnyn e shkruar në pjesën e prapme të një kamioni jashtë qendrës së ndalimit, ku Navalny ishte duke u mbajtur pas arrestimit të tij në dhjetor të vitit 2011. Në shkurt 2011, Navalny, në një radio intervistë përshkroi partinë politike të Presidentit Vladimir Putin, Rusia e Bashkuar, si "partinë e mashtruesve dhe hajdutëve". Fraza u përdor gjerësisht nga grupet e opozitës.

Navalny shoqërohet për një seancë gjyqësore në Moskë në maj të vitit 2012. Ai u arrestua gjatë një mitingu të opozitës, një ditë pas inaugurimit të Putinit më 7 maj. Navalny u dënua me 15 ditë të tjera burgim për "pjesëmarrje në një ngjarje të jashtëligjshme publike".

Një gazetar filmon apartamentin e Navalnyt në Moskës pasi u kontrollua nga policia më 11 qershor të vitit 2012. Policia ruse kontrolloi shtëpitë e disa drejtuesve të opozitës në mes të protestave të gjera antiqeveritare në pranverë dhe verë të vitit 2012.
 

 Persona të maskuar u larguan pasi kontrolluan zyrën e Navalnyt në Moskë, më 12 qershor 2012. Navalny u thirr për t'u marrë në pyetje nga policia, gjë që parandaloi pjesëmarrjen e tij në një protestë të planifikuar.

Navalny dhe gruaja e tij, Yulia, gjatë një pushimi në proceset gjyqësore në Kirov në korrik të vitit 2013. Navalny u akuzua për vjedhjen e 16 milionë rublave (500,000 dollarë) nga një firmë shtetërore e drurit. Ai hodhi poshtë akuzat si të pabazuara. Gjykata i shqiptoi një dënim me burg prej pesë vitesh e që më vonë u ulë në një dënim me kusht pas një proteste të gjerë publike.

 Navalny dhe vëllai i tij Oleg (brenda grilave) gjatë një seance gjyqësore në Moskë në dhjetor të vitit 2014. Dyshja u dënuan për vjedhjen e rreth 500,000 dollarëve nga firmat ruse gjatë marrëdhënieve biznesore që datonin vite më parë. Ata kundërshtuan akuzat. Dënimi i Aleksei Navalny u pezullua, por vëllai i tij vuajti një burg të plotë prej më shumë se tre vjetësh, duke u liruar në muajin qershor 2018. 
 

Navalny duke u arrestuar pasi doli nga një radiostacion në Moskë në janar të vitit 2015. Pak më parë, Navalny kishte larguar një byzylyk elektronik që iu kërkua të vishte ndërsa ishte në arrest shtëpie për dënimin e tij të pezulluar në vitin 2014.

Navalny i ulur në një mjet transportues policie pasi u kap gjatë një tubimi masiv në Moskë në mars të vitit 2017. Ai u gjobit me 350 dollarë për pjesëmarrje në atë që autoritetet e quajtën një protestë të paligjshme.

 Navalny gjatë rrugës për në spital pasi u spërkat me ngjyrë të gjelbër nga sulmues të panjohur në Moskë në prill të vitit 2017. Gjatë sulmit ai pësoi djegie në sy.

Navalny largohet nga një burg në Moskë në tetor të vitit 2018, pasi vuajti 20 ditë burgim me akuzën e organizimit të protestave të paligjshme.

Policia ndalon Navalnyin gjatë një tubimi në mbështetje të gazetarit investigativ Ivan Golunov, i cili u arrestua nga policia dhe u akuzua për mbajtje droge me 12 qershor të vitit 2019.

Navalny, me sy të skuqur dhe të fryrë, ulet në një shtrat spitalor në Moskë më 29 korrik 2019, pasi nuk u ndje mirë në qelinë e tij, ndërsa po vuante një dënim me burg nën akuzën e thirrjes së një mitingu të paautorizuar. Ai tha se besonte se ishte helmuar. Mjekët thanë se kishte një "reaksion akut alergjik".

Një qytetar shikon një video në mediat sociale ku Navalny shihet duke u transportuar në një barelë bartëse nga një ekip i ambulancës në Omsk pasi u rrëzua, i sëmurë rëndë nga ajo që dyshohej se ishte helmim derisa ishte në një fluturim nga Tomski për në Moskë më 20 gusht.

 Një mjek në një spital në Omsk u thotë gazetarëve se Navalny ishte vendosur në një gjendje kome të induktuar.