25-vjetori i Çlirimit: Ushtarët dhe policët parakalojnë në Prishtinë

Kryeqyteti i Kosovës, Prishtina, u mbush me pjesëtarë të Forcës së Sigurisë dhe pjesëtarë të Policisë së Kosovës. Njësite të ndryshme të këtyre dy organizatave të sigurisë parakaluan për nder të 25-vjetorit të Ditës së Çlirimit të Kosovës, më 12 qershor 2024.

Skena e përgatitur për parakalimin e njësiteve të FSK-së dhe Policisë, me qytetarë të shumtë të mbledhur për ta shikuar paradën në Ditën e Çlirimit të Kosovës, 25 vjet pas, 12 qershor 2024.

Njëri prej njësiteve të FSK-së duke parakaluar në sheshin e kryeqytetit për nder të Ditës së Çlirimit të Kosovës, 12 qershor 2024.

Pjesëtarë të Policisë së Kosovës duke parakaluar në sheshin e kryeqytetit m 12 qershor 2024, për nder të Ditës së Çlirimit të Kosovës.

Gjatë ceremonisë, kryeministri i Kosovës Albin Kurti, tha se Forca e Sigurisë së Kosovës, nuk ka qenë kurrë më e madhe dhe më e armatosur sesa tani.

FSK-ja, sipas Kurtit, "është e gatshme të mbrojë territorin, sovranitetin" dhe jetët e qytetarëve të Kosovës.

Çdo vit, më 12 qershor, shënohet Dita e Çlirimit të Kosovës.

25 vjet më parë, më 12 qershor 1999, në Kosovë hynë trupat paqeruajtëse të NATO-s, KFOR.

Pas çlirimit, Kosova themeloi institucionet e saj të sigurisë.

Policia e Kosovës u themelua në vitin 1999 dhe aktualisht ka rreth 10 mijë pjesëtarë.

Shumë qytetarë përcollën nga afër parakalimin e ushtarëve dhe pjesëtarëve të policisë.

Në ceremoni morën pjesë edhe personalitet të ndryshme përfshirë ish-presidentin kroat Stipe Mesiq.

Forca e Sigurisë së Kosovës nisi një proces transformimi në ushtri në vitin 2018.

Procesi pritet të zgjasë dhjetë vjet  dhe në fund ky institucion pritet të ketë përgjegjësi kryesore ruajtjen e sovranitetit e integritetit territorial, ofrimin e mbështetjes ushtarake për autoritetet civile dhe pjesëmarrjen në operacione ndërkombëtare. FSK-ja aktualisht ka rreth 2.500 pjesëtarë.

Pjesëtarët e një njësiti të Policisë së Kosovës parakalojnë me qentë e tyre në sheshin e Prishtinës më 12 qershor 2024, për nder të Ditës së Çlirimit të vendit.

Një pjesëtar i një njësiti të Policisë së Kosovës mban në dorë flamurin e Kosovës teksa parakalon bashkë me oficerë të tjerë në sheshin e Prishtinës më 12 qershor 2024, për nder të Ditës së Çlirimit të vendit.

Presidentja e Kosovës, Vjosa Osmani, tha se pjesëtarët e FSK-së dhe të policisë së Kosovës “janë forca të paqes dhe në mbrojtje të paqes”.

Osmani tha se ata “do të jenë sot e përjetë në mbrojtje të lirisë”.

Njësite të FSK-së duke parakaluar në sheshin e Prishtinës më 12 qershor 2024, për ta shënuar Ditën e Çlirimit të vendit.